تورکیه ده تحصیل آلان اؤیرنجیلر کودتایا قارسی اورتاق بیانات وئردیلر

دونیانین 40 اؤلکه‌سیندن گنج‌لر فتح الله چی ترور تشکیلاتی پارالل دولت یاپیلانماسینین (فتو/پ.د.ی) تورکیه‌ده 15 ژوئیه چئویریلیشه جهدینه قارشی اورتاق بیانات یایا‌راق، معلوم حادثه‌یه کسکین اعتراضلارینی بیلدیردیلر.

بیرلشمیش میلتلر تشکیلاتی نین دونیا اینسانی زیروه‌سی گنج‌لیک مشورت مجلیسی و ایستانبول بؤیوکشیهر بلدیه‌سی گنج‌لیک مجلیسی‌‌نین رهبری سامد آغیرباشین چاغیریشیندان سونرا دونیانین 40 اؤلکه‌سیندن گنج‌لر رئاکسیا وئریب. داها سونرا سوسیال مئدیا واسیطه‌سیله گنج‌لرین اورتاق بیاننامه‌سی یاییلیب.

بیاننامه‌ده بیلدیریلیر:

"دونیانین موختلیف اؤلکه‌لرین‌دن تحصیل آلماق اوچون تورکیه‌یه گلن مسلمان اؤیرنجیلر 15 ژوئیه‌ده تورکیه خالقینا، حاکمیتینه، اینسان حاق‌لارینا قصد ائتمک مقصدیله فئتو/پ.د.ی-نین چئویریلیشه جهدینه کدرله شاهیدلیک ائتدی. بیز تورکیه‌ده تحصیل آلان اؤیرنجیلر اولا‌راق، اؤلکه‌لریمیزه دؤندوگوموزده دولت باشچی‌سی، جناب رجب طیب اردوغانین لیدرلیک ائتدیگی میلتین بو شرفلی دوروشونو وطنداش‌لاریمیزا دانیشاجاغیق. بوتون مسلمان‌لاری امپریالیست گوجلره قارشی بیرلیک اولماغا دعوت ائدجییک. تورکیه‌ده تحصیل آلان خاریجی‌لر اولا‌راق اینانیریق کی، تورکیه گوجلو اولوب آیاقدا دایاندیغی مدتده، تاریخده اولدوغو کیمی بو گون ده مظلوملار اوچون بیر اومید ایشیغی اولماغا داوام ائده‌جک".