بوزداغ: "حقیقتی گؤرمزدن گلمک آمریکایا یاراشماز"

تورکیه‌نین عدلیه ناظیری بکر بوزداغ فتح‌الله‌چی ترور تشکیلاتی پارالل دؤولت یاپیلانماسینین (فئتو/پ.د.ی) دسته باشی‌سی فتح الله گوله‌نین قاریتاریلماسی ایله علاقه دار آمریکایا بیر داها چاغیریش ائتدی.

کونیادا "دموکراسی کئشیگینده ایشتیراک ائدن ناظیر چیخیشیندا وورغولادی کی، تورکیه ایله یاخشی علاقه‌لر قورماق ایسته‌ینلر بو اؤلکه‌نین قانون‌لارینا حورمت ائتمه‌لیدیر.

آمریکانین تورکیه‌ده چئویریلیش جهدی‌نین آرخاسیندا فتح الله گوله‌نین دایاندیغینی بیلدیگی و بونا اثبات اوچون دلیله احتیاج اولمادیغینی دئین ناظیر وورغولادی کی، آغ ائو رهبرلیگی گوله‌نی قایتارمایاجاغی تقدیرده بونو، دموکراسی‌یه اینانمیش خالقینا ایضاح ائده بیلمه‌یه‌جک.

فتح الله گوله‌نین قاچاجاغینا دایر یاییلان معلومات‌لارا‌دا دقتی چکن بکر بوزداغ گوله‌نین تزلیکله توتولوب تورکیه‌یه قایتاریلمالیدیردئدی.

فتح الله گولن آمریکانین ایجازه‌سی اولما‌دان اونسوز‌دا قاچا بیلمز. حاضیرکی یئریندن آیریلیب، باشقا بیر اؤلکه‌یه قاچارسا، بو یئنه ده آمریکانین اونا ایجازه وئرمه‌سیله مومکون‌دور. آمریکا‌دا یاشایا‌راق تورکیه‌ده چئویریلیشه جهد ائتمه‌یه چالیشان بیری‌نین و آرتیق بوتون دونیانین حاقیندا دانیشدیغی بیر آدامین آمریکا‌نین خبری اولما‌دان، سیوریلیب آرا‌دان چیخدیغی سؤیله‌نرسه، بونا دونیا گولر." دئیه ناظیر بیلدیردی.