3-جو فوق ا‌لعاده حال فرمانی ایله قوّت قوموتانلیق‌لاری میللی ساوونما ناظیرینه باغلاندی
قانون حکمونده قرارنامه ایله میللی ساوونما ناظیرلیگی نزدینده میللی ساوونما اونیورسیته‌سی آدییلا دا یئنی بیر اونیورسیته قورولدو
قوّت قوموتانلیق‌لاری میللی ساوونما ناظیرینه باغلاندی.
فتح الله‌چی ترور تشکیلاتی پارالل دولت یاپیلانماسی‌نین (فتو / پ.د.ی) کودتا گیریشیمی‌نین آردین‌دان 3-جو فوق ا‌لعاده حال فرمانی دا یایینلاندی.
قرارنامه‌ده، تورک سیلاح‌لی گوجلری‌نین (تسک) یئنی‌دن دوزنلنمه سینه دایر اهمیت‌لی دوزنلمه‌لر یئر آلیر.
بونا گؤره، کارا، دنیز و هاوا گوجلری قوموتانلیق‌لاری، میللی ساوونما ناظیرلیگینه باغلاندی.
رسمی قزئته بو گونکی ساییندا یئر آلان "فوق ا‌لعاده حال چرچیوه‌سینده بعضی تدبیرلرین آلینماسی و میللی ساوونما اونیورسیته‌سی قورولماسی ایله بعضی قانون‌لاردا دییشیک‌لیک ائدیلمه‌سینه دایر قانون حکمونده قرارنامه" ایچینده، قوّت قوموتانلیق‌لاری میللی ساوونما ناظیرینه باغلاندی.
بو قانونا ضد اولمایان و دیگر قانون‌لارلا باش قرارگاه باشقانلیغینا وئریلن وظیفه و صلاحیت‌لره باغلی حؤکم‌لر گیزلی بوراخیلدی.
آیریجا پرزیدنت و باش ناظیرین، لازیم‌لی گؤردوک‌لری قوّت قوموتانلاری ایله باغلیلاریندان بیرباشا معلومات آلا بیله‌جگی و بون‌لارا بیرباشا امر وئره بیله‌جگی، وئریلن امرین هر هانسی بیر مقام‌دان تصدیق اولما‌دان درحال یئرینه گتیریله‌جگی ده قرارا باغلاندی.
قانون حکمونده قرارنامه ایله میللی ساوونما ناظیرلیگی نزدینده میللی ساوونما اونیورسیته‌سی آدییلا دا یئنی بیر اونیورسیته قورولدو.
میللی ساوونما اونیورسیته‌سی، رکتورلوغا باغلی اولا‌راق، قرارگاه افسری یئتیش‌دیرمک و ماستر تحصیل وئرمک مقصدیله یئنی قورولان اینستیتو‌لاردان قارا، دنیز و هاوا نیظامی مکتب‌لرین‌دن، گروهبان و استوار پئشه یوکسئک اوخوللاریندان میدانا گله‌جک.
نیظامی آکادمیلری، نیظامی دبیریستان‌لار و گروهبان و استوار حاضیرلاما مکتب‌لری ایسه باغلانیلدی.
قانون حکمونده قرارنامه ایچینده، گولخانه نیظامی طیب آکادمیسی (گاتا) و عسگر خسته‌خانا‌لاری ده ساغلیق ناظیرلیگینه تحویل وئریلدی.
