شهیدلری آنما مراسیمینده، اردوغان 237 نفر شهید اولدو اما غرب‌دن بورا باشساغلیغی اوچون گلن یوخ" دئدی
بون‌دان سونرا دا دولتی سرطان حوجیره کیمی قوجاقلایان بو قورولوشون تمیزله‌نمه‌سینین سوردوروله جگینی یازان اردوغان، "اون مینلرجه ده اولسا، تمیزلیه جگیز" دئدی
پرزیدنتی رجب طیب اردوغان، فتح الله چی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیه‌ده کودتا تلاشین‌دا 237 نفرین شهید اولدوغونو خاطیرلاداراق،
"اما غرب‌دن بورا باشساغلیغی اوچون گلن یوخ" دئدی.
اردوغان، پرزیدنت سارایین‌دا تشکیل ائدیله‌ن شهیدلرین آنما مراسیمینده دانیشدی.
خائین کودتا گئجه‌سی کودتا ائد‌نلرین بومبالاری سببیله 2 مین 191 نفرین ده یارالاندیغینی خاطیرلادان پرزیدنت،
"بونو آنجاق کافیر ائدر. بونو من مسلمانام، من تورکم دئیه‌ن بیری ائده بیلر می؟ بونلارین بو میللتله علاقه‌سی یوخدور. بونلار منیم عسگریمین، پولیسیمین ایچینه نئجه سیزمیش، دولت تشکیلاتلاریمیزین ایچینه نئجه سیزمیش؟ بعضیلری بیزه عقل وئریر غرب‌دن، کئچمیش اولسون. اما سونرا بیر شئی داها سؤیلییر، "بو آچیغا آلینانلار سببیله نیگرانیق" دئییرلر. سیز ایشینیزه باخین. ایشینیزه باخین. منیم اؤلکه‌مده کودتا اولاجاق و منیم اؤلکه‌مده 237 شهیدیم، 2191 یارالیم اولاجاق. بیر دنه تعزیه لری اولاجاق آردین‌دان ۹ دنه نصیحت وئره‌جک‌سه‌ن. او عاقلی اؤزون‌ده ساخلا "ایفاده‌لرینی ایستیفاده ائتدی.
فتؤ'نون 40 ایللیک کئچمیشی اولدوغونو ایفاده ائد‌ن پرزیدنت، بو حسابی 20 ساعات‌دا بیتیردیکلرینی سؤیله‌دی.
بون‌دان سونرا دا دولتی سرطان حوجیره کیمی قوجاقلایان بو قورولوشون تمیزله‌نمه‌سینین سوردوروله جگینی یازان اردوغان،
"اون مینلرجه ده اولسا، تمیزلیه جگیز" دئدی.
15 ژوئیه‌ده یالنیز اوردونون دئییل جمعیتین ده اله کئچیریلمه‌یه ایستندیگنی وورغولایان پرزیدنت اردوغان، میللتین ایسه سؤز موضوعسو وطن اولونجا دیگر هر شئیین آیرینتی اولدوغونون شعورویلا حرکت ائتدیگنی قید ائتدی.
اردوغان،
"15 ژوئیه کودتا گیریشیمی، یالنیز حکومتی دئویرمک دئییل عینی زامان‌دا توپلومو دا اله کئچیرمگی هدفلییردی. اگر باشاریلی اولسایدی، استیثناسیز هر کس اوچون 16 ژوئیه‌ده تام فرق‌لی بیر حیات باشلایاجاقدی. ایراده‌سینی پنسیلوانیا'داکی شبکه باشینا تسلیم ائتمه‌یه‌ن کیمسه بو اؤلکه‌ده حیاتینی داوام ائتدیرمه ایمکانینا صاحب اولمایاجاقدی . میللتیمیز بو تهدیدی گؤردویو اوچون کودتا تلاشینا قارشی چیخدی، دولتینین و رهبرلیگینین یانین‌دا یئر آلدی "دئدی.
سیاسی تارتیشمالارین کنارین‌دا بیر بیرلیک میدانا گلمه‌سینین ایسه گله‌جه‌یه دایر اومید وئردیگینین وورغولایان اردوغان،
"بو گون تورکیه‌نین یولو 15 ژوئیه دکیندن داها ایشیق‌لیق‌دیر، داها آیدین‌دیر. بون‌دان سونرا اؤنوموزه باخما زامانی‌دیر. 15 ژوئیه و دولت و میللت اولاراق بیر میلاد حالینا دؤنوشدورملیگیک" دئدی.
جمعیتین بوتون طبقه‌لرینین اؤلکه‌نین اؤنون‌ده‌کی حساس وضعیته اویغون داوراناجاغینی دوشوندویونو ایفاده ائد‌ن اردوغان، کودتا‌چیلرین حساب سوروشارکن اینتیقام دئییل عدالت آرخاسین‌دا اولوناجاغینی، آنجاق فتو، پ.ک.ک، داعش کیمی بوتون ترور تشکیلاتلارینین باشینی ازمک‌ده ده ان کیچیک بیر ترددود گؤستریلمیه جگینی قید ائتدی.
"سوریه ده، عراق‌دا، لیبیده اوینانان اویونو دا پوزاجاغی. دونیانین هر یئرین‌ده اوینانان اویونلاری پوزاجاغی" دئیه‌ن اردوغان، بونلارین هئچ بیرینین تورکیه‌ده یاشانانلاردان موستقیل اولمادیغینی، هامی‌سینین عینی سناریونون فرق‌لی صحنه‌لرین‌دن عبارت اولدوغونو قید ائتدی.
15 ژوئیه کودتا گیریشیمی زامانی، تورک وطنداشلارینین عسگر پالتاری گئیمیش تروریستلرین سیلاحلارییلا وورولماسینین بعضی اؤلکه‌لرین رسمیلرینین دقتینی چکمدیی تنقیدینده اولان پرزیدنت اردوغان، بونا قارشی‌لیق اینقیلاب‌چیلارلا چوخ یاخین‌دان باغلی اولدولارینی سؤیله‌دی.
"آلچاقچا قتل ائدیله‌ن 237 وطنداشیمیزا باشساغلیغی دیله‌مه‌یه‌نلرین، کودتا ائد‌نلرین پیس رفتار گؤرمه احتیمالی قارشی‌سین‌دا حرکته کئچمیشلر. آچیق دانیشیرام، کودتا ائد‌نلرین عاقیبتین‌دن ناراحات‌لیق ائتدیکلری قدر میللتیمیزین گله جگین‌دن نیگرانلیق ائشیتمه‌یه‌ن هئچ بیر اؤلکه بیزیم دوستوموز دئییل. بو اؤلکه‌لرله دیپلوماتیک علاقه‌لریمیز داوام ائد‌جک، اما اوره گیمیزده یئری اصلا یوخدور." ایفاده‌لرینی ایستیفاده ائتدی.
باش ناظیر بینالی ییل‌دیریم ایسه مراسیم‌ده ائتدیی دانیشمادا، شهیدلرین قانینین یئرده بیراخیلمایاجاغینی سؤیله‌دی.
ییل‌دیریم،
"بو گون ان بؤیوک تعریفی عزیز شهیدلرین روحو حاق ائدیر. 15 ژوئیه آخشامینا قدر او قهرمانلار سیزین اوشاقلارینیزدی، ایندی بوتون او شهیدلر تورک میللتینین اوشاقلاری‌دیر." دئدی.
باش ناظیر ییل‌دیریم،
"خالقین گوجو تانکین گوجونو مغلوب ائتمیش‌دیر. تورک سیلاح‌لی گوجلری ایچین‌ده فتح الله چی ترور تشکیلاتی فتو منسوبلارینی تمیزلدیک. بوتون تروریست و تحریکچیلر تک تک آییقلاناجاق. بیزه ماشا اوزادانلار الینی قیرار." شکلین‌ده دانیشدی.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
