کاهرامان: "میللی ایراده تورکیه بؤیوک میلت مجلیسینه اییددیر"

تورکیه بؤیوک میلت مجلیسی نین صدری ایسماییل کاهرامانین رهبرلیک ائتدیگی نماینده هئیتی گؤلباشی پولیس اؤزئل حراکاتی‌نین ایداره‌سینده اولدو.. مجلیس صدری چیخیشیندا چئویریلیشه جهد زامانی حیاتینی ایتیرن شهیدلره الله‌دان رحمت، یارا‌لی‌لارا ایسه شفا دیلدیک‌لرینی بیلدیردی.

ایسماییل کاهرامان دئدی کی، همین گئجه فلاکت ایدی، لاکین قارشی‌سی آلیندی. بو ایسه وطن‌پرور پولیس‌لریمیزین فداکارلیغی سایه‌سینده باش توتودو. اونا گؤره ده هر بیریمیز پولیس‌لریمیزه میننتداریق.

تورکیه بؤیوک میلت مجلیسی‌نین صدری اؤلکه‌نین داها دا اینکیشافی نامینه گؤرولن ایشلرین و خالقین بیرلیگی‌نین داوام ائدجگینی وورغولادی.

میلی ایراده‌نین هر هانسی بیر سلاحلی گوجه، شخصه و یا زومره‌یه دئییل، تورکیه بؤیوک میلت مجلیسینه عایید اولدوغونو بیلدیرن ایسماییل کاهرامان علاوه ائتدی کی، تورکیه خالقی چئویریلیشه جهدین قارشی‌سینی آلدی. علینه سلاح آلان‌لار اصلینده آنلاما‌لی ایدی‌لر کی، اؤلکه‌نین دموکراسی سینه ضربه وورا‌جاقدی‌لار.