اردوغان، اوچ پارتی لیدرینی پرزیدنت کوللیهسینه دعوت ائتدی
فخری قاسیرغا، پارتی مسئوللارینا گؤندردیگی مکتوبدا، تورکیهنین، 15 ژوئیهده، فتح اللهچی ترور تشکیلاتی (فتو) منسوبو، عسگر پالتاری گئیمیش بیر قروپ تروریست طرفیندن حیاتا کئچیریلن سلاحلی و قانلی کودتا چاباسینا معروض قالدیغینی ایفاده ائتدی
تورکیه پرزیدنتی رجب طیب اردوغان، عدالت و اینکیشاف پارتیسی (AKP)، جمهوریت خالق پارتیسی (CHP) و میللیتچی حرکت پارتیسی (MHP) لیدرلرینی، 15 ژوئیه کودتا چاباسی قارشیسینداکی توتوملاریندان اؤتری تبریک ائتمک اوچون پرزیدنت کوللیهسینده دعوت ائتدی.
پرزیدنت باش کاتیبی فخری قاسیرغا، پارتی مسئوللارینا گؤندردیگی مکتوبدا، تورکیهنین، 15 ژوئیهده، فتح اللهچی ترور تشکیلاتی (فتو) منسوبو، عسگر پالتاری گئیمیش بیر قروپ تروریست طرفیندن حیاتا کئچیریلن سلاحلی و قانلی کودتا چاباسینه معروض قالدیغینی ایفاده ائتدی.
مکتوبدا،
"فتو منسوبو تروریستلر طرفیندن جبر و شدت ایستیفاده ائدهرک، آنایاسا ایله قورولان آزاد دموکراسی نیظامینی، تمل حقوق و آزادلیقلاری، قانونی تورکیه جمهوریتی حکومتینی اورتادان قالدیرماق مقصدیله حیاتا کئچیریلن، سلاحلی کودتا تشببوسو میللتیمیزین دموکراسیسینا صاحب چیخاراق، اورتایا قویدوغو قهرمانجاسینا مقاومت سایهسینده مانع تؤردیلمیشدیر." ایفادهسینه یئر وئریلدی.
میللتین، کودتا چاباسی قارشیسیندا گؤستردیگی قطعیتلی، سیاسی پارتیلردن ده گؤزلدیگی وورغولانان مکتوبدا، بونلار قید ائدیلدی:
"بو زوراکیلیغا قارشی گؤستردیگی قرارلی توتوملا، بوتون قوروملاریمیزا چوخ اهمیتلی مسئولیتلر یوکلهین میللتیمیز، بیرلیک و بیرلیگیمیزی ان اوست سویهده اولماسی لازیم اولان بو کریتیک دؤورده، دیگر قورولوشلاریمیزلا بیرلیکده، سیاسی پارتیلریمیزدن ده بونون گریینی یئرینه یئتیرمهسینی گؤزلییر.
بو چرچیوهده، حؤرمتلی پرزیدنتیمیز 25 ژوئیه بازار ارتهسی گونو ساعات 14.00-ده جمهوریت خالق پارتیسی باشقانی حؤرمتلی کمال کیلیچداروغلو و میللیتچی حرکت پارتیسی باشقانی حؤرمتلی دولت باغچهلی ایله آک پارتی باشقانی جناب بینالی ییلدیریمی، هم کودتا چاباسی قارشیسینداکی قرارلی توتومو سببیله اؤزلرینه تشککور ائتمک، هم ده سون اینکیشافلاری قیمتلندیریب، تکلیفلرینی آلماق عذره، بئش تپه پرزیدنت کوللیهسینده دعوت ائدیر. "
ایلگیلیلی خبرلر
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی