اردوغان: 15 ژوئیه کودتا تلاشی حکومت، میللت و تورک سلاحلی گوجلرینی هدف آلدی
پرزیدنت، "15 ژوئیه سلاحلی تلاشینی ایمانی ایله باسدیران عزیز میللتیم" دئیه سسلندیگی "وطنداشلاریمیزا و خائینلری مغلوبیته اوغرادان گوونلیک بیریملریمیزه میننتدارلیغیمی بیلدیریرم" دئدی
![اردوغان: 15 ژوئیه کودتا تلاشی حکومت، میللت و تورک سلاحلی گوجلرینی هدف آلدی](http://cdn.trt.net.tr/images/xlarge/rectangle/2ca0/1fad/81e8/574db8650dfa5.jpg?time=1718856450)
تورکیه پرزیدنتی رجب طیب اردوغان، 15 ژوئیه کودتا تلاشینین حکومت، میللت و تورک سلاحلی گوجلرینی هدف آلدیغینی سؤیلهدی.
اردوغان، خائین گئجهدن بو یانا کوچهلردن آیریلمایان میلیونلارلا وطنداشا سسلندی.
پرزیدنت،
"15 ژوئیه سلاحلی تلاشینی ایمانی ایله باسدیران عزیز میللتیم" دئیه سسلندیگی "وطنداشلاریمیزا و خائینلری مغلوبیته اوغرادان گوونلیک بیریملریمیزه میننتدارلیغیمی بیلدیریرم" دئدی.
میدانلاردا، ساغچی-سولچو، علوی-سوننی دئییل، قورتولوش ساواشیندا اولدوغو کیمی، بوتون تورکیهنین، میللتین هامیسینین اولدوغونو وورغولایان اردوغان، گلجگینین، حاق و آزادلیقلارین، دموکراسینین یانیندا ایشتیراک ائتدیگی اوچون هر کسه تشککور ائتدی.
آسیادان آفریقایا دستکلرینی چاتدیران بوتون اؤلکهلره تشککور ائدیب حادثه گئجهسی شهید اولانلارا اللهدان رحمت یارالانانلارا شفالار آرزولاییرام پرزیدنت، خاریجدکی وطنداش / سویداشلارین قاتقیسینین دا اونودولماز اولدوغونو بیلدیردی.
یاتیریم و پروژهلرین داوام ائدجگینی، مالی دیسیپلیندن تعویض وئریلمیهجگینی، 2023 هدفلرینه گئدیشین کسیلمهیهرک داوام ائدجگینی ایفاده ائدن پرزیدنت،
"بونون اوچون خیانت شبکهلرینی حرکت کئچیریرلر. پ.ک.ک بلاسینین، بونون داوامیدیر (پ.ی.د) سوریهده اورتایا چیخاریلماسینین، داعشین اؤلکهمیزه مسلّط ائدیلمهسینین، فورما گئیمیش تروریستلرین اوستومیزه سالینماسینین دا آرخاسیندا بو یاتماقدادیر" دئدی.
تورکیهنین وطنداشلارینین اوزرینه بومبا یاغدیران خائینلری لازیم اولان جزانی وئرهجک قودرتده اولدوغونون وورغولایان پرزیدنت اردوغان، شهیدلرین قانینین یئرده قالمایاجاغینین تأمیناتینی وئردی.
"عملیات باشاریله داوام ائتمکدهدیر" دئین پرزیدنت، خالقا، "صاباحکی تورکیه بو گونکوندن چوخ داها گوجلو اولاجاق" دئیه سسلندی.
اوپراسیونلارداکی سون رقملری ده وئرن پرزیدنت اردوغان، 8 مین 883 عسگر، 2 مین 101 حاکم و ساوجی، مین 485 پولیس، 52 مولکی ایداره مسئولی، 689 سیویل اولماق عذره 13 مین 165 نفرین نظارتده اولدوغونو، 123و ژنرال 5 مین 863 نفرین ده حبس اولوندوغونو سؤیلهدی.
فوق العاده حال (اوحال)، آردیندان آتیلان آددیملاری ایضاح ائدن اردوغان، نظارت مدتینین 4 گوندن 1 آیا چیخاریلدیغینی، فتح اللهجی ترور تشکیلاتی (فتو) عضوو دولت ایشچیلرینین ایلیشیکلرینین کسیلمهیه باشلاندیغینی، مکتبلر، شاگیرد یوردو، ساغلیق تشکیلاتلاری، سندیکا باغلانیلدیغینی، مال وارلیقلارینا ال قویولدوغونو قید ائتدی.
اردوغان، دولت اداره لرینده اولونانلارین بیر داها مامور اولا بیلمهیهجکلرینی ده وورغولادی.