باش ناظر رجب طیب اردوغانین رویترز ایله مصاحبهسی
دؤولت باشچیسی رجب طیب اردوغان 3 آی مدتینه اعلان ائدیلمیش فوق العاده وضعیتین یئنی بیر ایستیقلال موباریزهسی معناسینی داشیدیغینی سؤیلهدی.
![باش ناظر رجب طیب اردوغانین رویترز ایله مصاحبهسی](http://cdn.trt.net.tr/images/xlarge/rectangle/c34c/c9ba/e523/574ea2ac7d772.jpg?time=1719216929)
دؤولت باشچیسی رجب طیب اردوغان 3 آی مدتینه اعلان ائدیلمیش فوق العاده وضعیتین یئنی بیر ایستیقلال موباریزهسی معناسینی داشیدیغینی سؤیلهدی.
فوق العاده وضعیتین دئموکراتیک قوروملارین داها یاخشی ایشلمهسی اوچون اعلان ائدیلدیگینی دیله گتیرن اردوغان وورغولادی کی، بو شرطلر آلتیندا ائولریندن چیخیب کوچهلره آخین ائدهرک گلجیینه صاحب چیخان میلتیم ایله قورور دویورام.
دؤولت باشچیسی بونلاری "رویترز"ه فتحاللهچی ترور تشکیلاتی فئتونون چئوریلیشه جهد ائتدیگی 15 یول آخشامی و داها سونرا یاشانانلار حاقیندا وئردیگی مصاحبهسینده دئدی.
حادثهنی ایلک اولاراق بیر قوهوموندان اؤیرندیگینی داها سونرا بونون تصدیقی گلینجه ایسه کوتلوی اینفورماسیا واسطهلریندن خالقی میدانلارا چاغیردینی خاطیرلادان اردوغان مارماریسدن ایستانبولا تهلوکهلی شرایطده گلدیگینی، آتاتورک هاوا لیمانینا چاتاندان سونرا دؤولتین اوچاق لاری ایله چوخ آشاغیدان اوچان ترورچولارا باخمایاراق وضعیته هاوا لیمانیندان نظارت ائتدیگینی و آنجاق ائرتهسی گون گونورتا ساعتلاریندا نظارت تامامیله تامین ائدیلدیکتن سونرا ایقامتگاهینا گلدیگینی سؤیلهدی.
بئلهلیکله میلی ایرادهنین نه معنا داشیدیغینین اورتایا قویولدوغونو وورغولایان دؤولت باشچیسی بیلدیردی کی، 15 جولاری گئجهسی تورکیه بؤیوک میلت مجلیسی، جمهورباشقانلیغی ایقامتگاهی و پلیس تشکیلاتینین دا بومبالانماسی هدفین میلت اولدوغونو اورتایا قویدو. بونا مقاومت گؤسترن 246 نفر شهید اولدو، 1852نفر ایسه یارالاندی.
ایقتیصادیات اولاراق ایسه چوخ چتین شرطلرین عهده سیندن گلهرک اوغورلار الده ائدیلدیگینی وورغولایان اردوغان بوتون یاتیریملارین و لاییحهلرین حیاتا کئچیریلمهیه داوام ائدجگینی، مالیه اساسلاریندان گذشته گئدیلمهیهجگینی، بونون عکسینی ادعا ائدن اولوسلار آراسی قورولوشلارین دئموکراتیادان دئییل چئوریلیشدن یانا اولدوقلارینی سؤیلهدی. تورکیهنین بیرلیک، برابرلیک و قارداشلیغا هر زامانکیندن داها چوخ احتیاجی اولدوغونو دیله گتیرن دؤولت باشچیسی اردوغان وطنداشلارین دا هانسی سیاسی دوشونجهده اولارسا اولسونلار بو چئوریلیشه جهدین آرخاسیندا اولمامالارینین واجیبلیگینی قئید ائتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719216929)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719216929)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی