تورکیه و آمریکا مدافعه ناظرلری آراسیندا تئلئفون دانیشیغی اولدو

تورکیه‌نین مدافعه ناظری فیکری ایشیق ایله آمریکا‌لی همکاری اشتون کارتر آراسیندا تئلئفون گؤروشو اولدو.

پنتاگون‌‌دان وئریلن معلوماتا گؤره اشتون کارتر اؤلکه‌سی‌نین تورکیه‌ده دموکراتیک یوللا سئچیلمیش حکومتی دستکلدیگینی بیر داها دقته چاتدیردی.

تورکیه‌نین مدافعه ناظری ایکی اؤلکه‌نین داعش و دیگر ترور قروپلاشما‌لارینا قارشی بیرگه موباریزه‌سینده قطعت‌ینین ‌نین داوام ائتدیگینی بیلدیردی.

تئلئفون گؤروشونده هر ایکی ناظر اینجیرلیک هاوا بازاسیندا داعش‌ا  قارشی آپاریلان عملیات‌لارین اهمیتینی وورغولادی لار.

فیکری ایشیق علاوه ائتدی کی، داعش‌لا موباریزه‌یه قوشولان بعضی اؤلکه‌لرین مدافعه ناظرلری‌نین آمریکادا کئچیریله‌جک توپلانتی‌سیندا ایشتیراک ائده بیلمه‌یه‌جک. لاکین فیکری ایشیق و اشتون کارتر یاخین گونلرده دانیشیق‌لاری داوام ائتدیره‌جک‌لرینه دایر راضیلیغا گلیب‌لر.