رجب طیب اردوغان فرانسالی همکارینا باش ساغلیغی وئردی
دؤولت باشچیسی رجب طیب اردوغان فرانسانین نیس شهرینده تؤرهدیلن تررور هوجومونو کسکین پیسلهدی.
![رجب طیب اردوغان فرانسالی همکارینا باش ساغلیغی وئردی](http://cdn.trt.net.tr/images/xlarge/rectangle/c734/5ed4/8fb0/572c9a207b847.jpg?time=1719184177)
دؤولت باشچیسی رجب طیب اردوغان فرانسانین نیس شهرینده تؤرهدیلن تررور هوجومونو کسکین پیسلهدی. هوجومون تروریزمه قارشی بیرلشمهین بیر داها ضروریلیگینی گؤستردیگینی وورغولادی.
"ترورون دینی، عرقی و میللیتی یوخدور. بو وحشی حرکتی تؤرهدنلرین ایسه اینسانلیقلا هئچ بیر علاقهسی یوخدور. بئله باربارلیقدیر و اونلارین بو دونیادا بیر یئری ده یوخدور و اولمامالیدیر" دئیه دؤولت باشچیسی بیلدیردی.
ترورا قارشی موباریزهده ایکلی موناسیبت سرگیلهینلرین فرانسادا تؤرهدیلن سون ترور حادثهسیندن درس چیخارمادیقلارینی وورغولایان رجب طیب اردوغان ترور تشکیلاتلارینا قارشی تورکیه و فرانسانین، عراق و بلژیکین، عربستان سعودی و آمریکانین بیر فرقینین اولمادیغینی آرتیق همیشه بیرلیکده گؤرمهلیلییک دئیه علاوه ائتدی.
اردوغان تورکیهنین دفعهلرله ترور هوجومونا معروض قالمیش اؤلکه اولاراق فرانسا و خالقینین کئچیرتدیکلری حسلری یاخشی باشا دوشدوکلرینی بیلدیردی.
فرانسانین نیس شهرینده تؤرهدیلن ترور نتیجهسینده حیاتینی ایتیرنلر گؤره تورکیهنین دیگر رسمیلری ده فرانسایا باشساغلیغی اونوانلاییب.
باش ناظر بینالی ییلدیریم باشساغلیغیندا وورغولادی کی، ترروریزم اینسانلیغا قارشی بؤیوک جینایتدیر. تورکیه و خالقینین حادثهدن درین سارسینتی کئچیرتدیکلرینین بیلدیرن بینالی ییلدیریم حیاتینی ایتیرنلره رحمت، یارالیلارا شفا دیلهدی.
باش ناظرین کؤمکچیسی نومان کورتولموش دا حادثنی پیسلهیهرک، فرانسا خالقینا صبر دیلهدی.
دؤولت باشچیسینین سؤزچوسو ابراهیم کالین ایسه سوسیال شبکه مئساژیندا هوجومو حیاتا کئچیرنلرین دینی، ایمانی اولمادیغینی، بئله وحشیلرین دونیادا یئرینین یوخلوغونو یازدی.
اؤلکهنین خاریجی ایشلر ناظری مؤلود چاوش اوغلودا فرانسا خالقینا باش ساغلیغی وئردی. ناظر تویترحسابیندا یازدی کی، کیمین طرفیندن و هارادا اولورسا اولسون ترورا قارشی اورتاق، صمیمی، قرارلی و نتیجهلی موباریزه آپارماق لازیملیدیر. تورکیه اولاراق ترورلا موباریزهده فرانسا و بوتون دیگر طرفداشلارلا علاقهلریمیزی داوام ائتدیرجهیک. آوروپا اتفاقی ناظری عمر چلیک سوسیال شبکه حسابیندا حادثنی کسکین پیسلهدی. ترور حادثهنی قورخونج آدلاندیران ناظر بوتون دوشونجهسی قربانلار و یارالیلارین یانیندا اولدوغونو یازدی. هارادا، نئجه تؤرهدیلمهییندن آسیلی اولمایاراق ترور بشر عالمینه قارشی شدتدیر، هر زامان مرحمتسیزدیر. بو زوراکیلیق و مرحمتسیزلییه قارشی بیرگه اولمالییق-دئیه آوروپا اتفاقی ناظری وورغولادی.
تورکیهنین مالیه ناظری ناجی آغبال ایسه بیر داها ترورون یاشانماماسینی دیلهییب. ناظر بو ایسیتقامتده اوسلار آراسی عالمین بیرلشه جگینه اینامینی ایفاده ائتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719184178)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719184178)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی