"بئله بیر وضعیت قاچقین موقعینده اولان سوریه لیلار اوچون‌ده مومکون اولا بیلر"، ر.ت.اردوغان

اردوغان لهستان‌دا کئچیریلن ناتو-نون زیروه  توپلانتی‌سین‌دان قاییدارکن ژورنالیست‌لرین سوال‌لارینی جاوابلاندیردی. قاچقین‌لارا وطنداش‌لیق وئریلمه‌سی باره ده کی دوشونجه‌سینی بیر داها دیله گتیرن دؤولت باشچی‌سی رجب طیب اردوغان سوریه لیلارین باش نازیرلیگین نظارتینده تیکیلکن منزیللردن بوش اولان‌لارا یئرلش‌دیریله بیله جگینی دئییب.

اردوغان لهستان‌دا کئچیریلن ناتو-نون زیروه  توپلانتی‌سین‌دان قاییدارکن ژورنالیست‌لرین سوال‌لارینی جاوابلاندیردی.

بو گون بیر تورک، آلمان و یا آمریکا وطنداشی اولورسا بنزر بیر وضعیتین تورکیه‌ده قاچقین موقعینده اولان سوریه لیلار اوچون ده مومکون اولا بیله جگینی قئید ائدن دؤولت باشچی‌سی اردوغان همچنین سوریه لیلارلا بو منطقه‌ده ایللردیر دوستلوق، قارداش‌لیق و قوهوملوق حقوقی ایچری‌سینده یاشانیلدیغینی وورغولادی.

سوریه لیلارا وطنداش‌لیق وئریلمه‌سی‌نین تورکیه بؤیوک‌لوگون‌ده‌کی بیر اؤلکه اوچون پروبلئم اولمایاجاغینی دا قئید ائدن اردوغان بیلدیردی کی، بو میللت حاضردا 79 میلیون جمعیت ایله  780 مین کیلومترده یاشاییر. بیزیم یاری ارازیمیزدکی آلمانیادا ایسه حاضردا 85 میلیون اینسان یاشاییر. اونا گؤره تورکیه بو مسئله‌نین عهده‌‌سین‌دن ده راحت‌لیقلا گله بیله جک بیر اؤلکه‌دیر.

قاچقین‌لارین ایللرله قاچقین دوشرگه‌لرینه محکوم ائدیله بیلمه یه جگینی دیله گتیره ن دؤولت باشچی‌سی اونو دا وورغولاییب کی، توکی آدلاندیردیغیمیز باش نازیرلیگین نظارتینده  تیکیلن ائولردن  بوش اولان‌لارا سوریه لیلار یئرلشدیریله بیلر. بو ائولره آخیسقا تورکلریندن ده یئرله‌شدیریلدی. عینی ایشی سوریه لیلار اوچون ده  گؤرمک مومکون‌دور.

تررور تشکیلاتی پ ک ک-نین "باهوز اردال" لقب‌لی دیرناقاراسی رهبری فهمان حسینین اؤلدورولدوگو خبرلرینی تصدیق ائتمک اوچون ایشلرین داوام ائتدیگینی ده قئید ائدن اردوغان بیلدیردی کی، الده کی معلوماتلار‌دا بو ایستیقامتده‌دیر. سوریه طرفینده 14 نفرلیک بیر قروپلا بیرلیکده اؤلدورولدوگونه دایر معلومات‌لار وار.