اردوغان، اوروپا ایله علاقهلرین میللی دؤزوموموزو زدهلمهدن گئتدیگی یئره قدر گئدهجگینی سؤیلهدی
پرزیدنت اردوغان، چیخیشیندا، ترور تشکیلاتلاری موباریزهیه ده دقت چکدی
تورکیه پرزیدنتی رجب طیب اردوغان، اوروپا بیرلیگی ایله علاقهلرین میللی دؤزوموموزو زدهلمهدن گئتدیگی یئره قدر گئدهجگینی سؤیلهدی.
پرزیدنت اردوغان، پرزیدنت کوللیهسیندکی ایفطار پروقرامیندا میللت وکیللرینه خیطاب اولاراق ائتدیگی دانیشمادا، اوروپا بیرلیگی ایله علاقهلرده یئرلی و میللی دوروشون اصلا زدلنممهسی لازیم اولدوغونون وورغولادی.
تورکیهنین سیراوی بیر اؤلکه اولمادیغینی وورغولایان اردوغان،
"تورکیهنین اوروپا بیرلیگینه تام عضولوگو اوچون 3 مین ایلینی گؤسترهرک، کیمسه بیزیم تحملوموزو تست ائتمهسین." دئدی.
پرزیدنت اردوغان، چیخیشیندا، ترور تشکیلاتلاری موباریزهیه ده دقت چکدی.
ترور تشکیلاتلاری ایچریده و چؤلده آپاریلان موباریزنی قرارلیقلا داوام ائتدیرهجکلرینی ایفاده ائدن پرزیدنت اردوغان،
"دولتین تروریسته دمیر یومروغونو، ضرر چکمیش اولان بؤلگه خالقینا دا شفقتلی اوزونو گؤسترهجک، بوتون تدبیرلری آلاراق دینجلیک و گوون موحیطینی تاسیس ائدیب، محکملندیرمهلیدیر. سوریه مرزلریمیزده اؤلکه و میللت اولاراق گلهجگییمیزی تهدید ائدهجک بیر تشککوله، سیاسی، دیپلوماتیک، نیظامی بوتون ایمکانلاریمیزی ایستیفاده ائدهرک سونونا قدر قارشی چیخاجاغیق. کیم اولورسا اولسون، سوریهنین شمالیندا بئله بیرتشککوله تورکیه اولاراق اصلا ایجازه ائده بیلمریک. " دئدی.
پرزیدنت اردوغان، اقتصاددا دا قیسا زماندا صادراتدا و توریزمده یاشانان پروبلئملری حل ائدهجکلرینی، اورتا و اوزون زماندا 2023 هدفلرینه چاتمالارینی تامین ائدهجک، آلت یاپی دییشیملری حیاتا کئچیرهجکلرینی سؤیلهدی.
دموکراسی، حاق و حریتلری ساحهسیندکی ایشلرینی، تورکیهیه یؤنهلن بوتون تهدیدلره باخمایاراق آرالیقسیز داوام ائتدیرهجکلرینی وورغولایان اردوغان؛
"چونکی دموکراسی، اینکیشافین دا دینجلیگین ده اولمازسا اولماز تملیدیر. 150 ایللیک دموکراسی آراییشیمیزدا اورتایا چیخان پروبلملرین محصولو اولان کومپلکسلری بیر کنارا بوراخیب، میللتیمیزین و اومیدینی بیزه باغلایان یوز میلیونلارین احتیاجلارینا اویغون دوشن اؤزل بیر دموکراسینی قوروب و تحکیم ائدجگیک." سؤزلرینه یئر وئردی.
ایلگیلیلی خبرلر
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی