وولکان بوزکیر: ویزا معافیتی موضوعسوندا پروسه ژوئن آیی سونونا قدر تاماملاناجاق
خاریجی ایشلر ناظیری مولوت چاووش اوغلو ایسه، ویزا سربستیسینین ژوئن آییندا کئچیریلمهسی اوچون چوخ تلاش صرف ائتدیکلرینی دیله گتیردی
تورکیه اوروپا بیرلیگی ناظیری و باش مذاکرهچی وولکان بوزکیر، تورک وطنداشلارینا ویزا معافیتی موضوعسوندا قانونی پروسهسین ژوئن آیی سونونا قدر تاماملاناجاغینی سؤیلهدی.
اوروپا بیرلیگی ناظیری و باش مذاکرهچی وولکان بوزکیر و خاریجی ایشلر ناظیری مولوت چاووش اوغلو، اوروپا ناظیرلیگینده اوروپا بیرلیگی کومیسیونونون تورک وطنداشلارینا ویزا معافیتی قیمتلندیرمه راپورو ایله باغلی اورتاق مطبوعات کونفرانسی تشکیل ائتدی.
بورادا دانیشان بوزکیر، ویزا معافیتی اوچون لازیملی اولان 72 معیاری بؤیوک نیسبتده قارشیلاندیغینی ایفاده ائدهرک؛
"کومیسیون دا بونو بؤیوک اؤلچوده تصدیق ائدیر." دئدی
خاریجی ایشلر ناظیری مولوت چاووش اوغلو ایسه، ویزا سربستیسینین ژوئن آییندا کئچیریلمهسی اوچون چوخ تلاش صرف ائتدیکلرینی دیله گتیردی.
اوروپا بیرلیگی کومیسیونونون راپوروندا تورکیهنین چوخ تلاشلارینین وورغولانماسینی ممنونیتله قارشیلاندیغینی ایفاده ائدن چاووش اوغلو،
"بیز بو گلینن نقطهدن ممنونوق. بوندان سونراکی مدتده ده تورکیه جمهوریتی، ایلکیلی ناظیرلیکلر و حکومت اولاراق صمیمی شکیلده اوزریمیزه دوشنی ائتمهیه داوام ائدجگیک." دئدی.
مولوت چاووش اوغلو؛
" اوروپا بیرلیگی ایله مناسیبتلریمیزی یالنیز بیر پنجرهدن باخمیریق، گئنیش ویزیوندان باخیریق. هدفیمیز تام عضولوک. اوروپا بیرلیگیدن ده عینی صمیمیتی گؤزلییریک." ایفادهسینی ایستیفاده ائتدی.
ناظیر چاووش اوغلو پاساپورتلارلا باغلی اولاراق دا،
"1 ژوئندان اعتباراً پاسپورتلار اوزریندکی چیپلره بارماق ایزی علاوه اولوناجاق. اسکی پاسپورتلار، بارماق ایزلرینین یوکلندیگی یئنی پاساپورتلارلا دییشدیریلهجک. پاسپورت اؤدنیشی اولاراق دا یالنیز جوزدان پولو اؤدنیلهجک" دئدی.
ایلگیلیلی خبرلر
هاکان فیدان بیرلشمیش عرب امیرلیکلرینه سفر ائدهجک
خاریجی ایشلر ناظری هاکان فیدان بیرلشمیش عرب امیرلیکلرینه رسمی سفر ائدهجک.