تورکیه، سوریه گؤروشمه‌لرینه پ.ی.د-نین قوشولماسینا قارشی

تورکیه باش ناظری احمد داوود اوغلو، ژنو سوریه گؤروشمهلرینه ترور تشکیلاتی پ.ی.د-نین قوشولماسینا قارشی اولدوقلارینی سؤیلهدی.

سوریهداکی کوردلرین مذاکیره اوتورماسینی ایستدیکلرینی وورغولایان داوود اوغلو، پ.ی.د-نین تورکیه، آمریکا و اوروپانین ترور تشکیلاتی اولاراق تانیدیغی پ.ک.ک-نین داوامی اولدوغونو ایفاده ائتدی.

داوود اوغلو سی. ان. ان اینترنشنالدا، کریستیان آمانپوورون سواللارینی جوابلادی.

آمانپوورون ترور تشکیلاتلاریندان هانسینین داها تهلوکهلی اولدوغو سوالینا باش ناظر احمد داوود اوغلو، ' پ.ک.ک-ده داعشده، تورکیه اوچون تهلوکهلیدیر ' جوابینی وئردی.

داوود اوغلو، هر ایکی ترور تشکیلاتینین ده ایدئولوژی اولاراق دموکراسییه قارشی اولدوغونو وورغولادی.

روسیهنین سوریهده تشکیل ائتدیگی هاوا سالدیریلارینی دا قیمتلندیرن

داوود اوغلو: "روسیه سوریهده منفی بیر رفتار سرگیلییر. اصلینده سوریهنی ایشغال ائدیر. حلب، ایدلیب و لاذقیه شهرینده روسیهنین تشکیل ائتدیگی بوتون هاوا سالدیریلارینین یوزده 90ی وطنداشلارا ایستیقامتلی. مکتبلره و خستهخانالارا سالدیری تشکیل ائدیلیر. روسیهنین بومباردمانیندان قاچان یارالیلار تورکیهیه سیغینیر. "ایفادهلرینی ایستیفاده ائتدی.

داوود اوغلو، "روسیهنین سوریهده سیویللرینه حؤرمت گؤسترمهسینی و اونلاری تورکیه سرحدینه گؤندرممهسینی گؤزلییریک" دئدی.

ترور تشکیلاتی پ.ک.ک-نین سیویل قیرغینلارینا سسسیز قالیب ترورا قارشی آپاریلان عملیاتلارا بیلواسیطه اولاراق قارشی چیخان دایرهلر ده باش ناظر احمد داوود اوغلونون گوندئمیندیدی.

داوود اوغلو، بعضی دایرهلرین ائتدیکلری آچیقلامالارین ایفاده آزادلیغی دئییل ترورا تشویق اولدوغونو سؤیلهدی.