احمد داوود اوغلو: سوریه پروبلمی‌نین آرتیق قلوبال بیر پروبلم اولد

تورکیه باشباخان احمد داوود اوغلو سوریه پروبلمی‌نین آرتیق قلوبال بیر پروبلم اولدوغونو سؤیله‌دی.
بولغاریستانا دونن (چرشنبه آخشامی) رسمی بیر سفر ائدن داوود اوغلو، باشکند صوفیه‌ده بوتون دونیایا سسلندی.
"سوریه موضوعسوندا هر کس الینی داشین آلتینا قویما‌لی‌دیر، عکس تقدیرده گؤچمنلر پروبلمی هامیمیزین اؤنوموزدکی ایللرده ده قارشی-قارشییا قالاجاغی داها بؤیوک بیر پروبلم حالینا چئوریله‌بیلر" دئین باشباخان قانون‌سوز گؤچمن پروبلمی‌نین حلّی موضوعسوندا گوجلو بیر ایراده ایله موباریزه قرارلیغی ایچینده اولدوق‌لارینی سؤیله‌دی.
بولغاریستان ایله ایکی‌لی‌سی علاقه‌لر موضوعسوندا ایسه داوود اوغلو،
- "بیزیم یوخومو ایستانبول‌دان صوفیه‌یه صوفیه‌ده اوروپایا گئده‌جک بیر سرعت‌لی قاطاری رئال‌لاش‌دیرماق، اوتویول‌لارلا، نقلیات خطلریله بولغاریستان ایله تورکیه‌نی بیربیرینه باغلاماق‌دیر" دئدی.
داوود اوغلونون دایانا‌جاق‌لاری آراسیندا بولغاریستان پرزیدنتی ده واردی.
باشباخان بولغارجایا چئوریلن کیتابینی پرزیدنتی روسن پلئونلیئوه هدیه ائتدی.
داوود اوغلو داها سونرا بولغاریستان موسلمان‌لاری باش موفتوسو مصطفی آلیش هاجی ایله گؤروشدو.
داوود اوغلو، ترور تشکیلاتی داعشه و آوروپادا مسجیدلره سالدیری آشیری عیرقچی آخین‌لارا قارشی تورکیه و بولغاریستانین امکداش‌لیق ایچینده اولدوق‌لارینی سؤیله‌دی.
باشباخان، بولغاریستان پروقرامیندا سون اولا‌راق قناعت اؤندرلری و سیویل تشکیلات‌لاری‌نین نماینده‌لری ایله بیر آرایا گلدی.
احمد داوود اوغلو، "سویداش‌لار باش موفتولوک اطرافیندا توپلانما‌لی" دئدی، دینی دگرلره سالدیری‌لار قارشی‌سیندا دا حساس‌لیق چاغیریسی ائتدی.