تورکیه اوروپا بیرلیگی ایله یئنی بیر صحیفه آچیر
تخمینن 2 ایل آرادان سونرا ایلک فصل، 17 نؤمرهلی اقتصادی و پول سیاستلر فصلی موذاکیرهیه آچیلیر
تورکیه اوروپا بیرلیگی ایله یئنی بیر صحیفه آچیر.
ایلک آچیق آددیم دا بو گون بروکسلده آتیلیر.
تخمینن 2 ایل آرادان سونرا ایلک فصل، 17 نؤمرهلی اقتصادی و پول سیاستلر فصلی موذاکیرهیه آچیلیر.
کونفرانسا اوروپا بیرلیگی باخانی و باش موذاکرهجی سفیر وولکان بوزکیر باشچیلیغیندا قاتیلاجاق اوروپا بیرلیگی ایله موذاکیره هیاتینی، باش باخان کؤمکچیسی محمد شیمشک و خاریجی ایشلر باخانی مئولوت چاووش اوغلو دا قاتیلاجاق.
اقتصادی و پول سیاست فصلی تمل اولاراق؛ عضو دولتلرین مرکز بانکلارینین موستقیللیگی، دولت سکتورونون مرکز بانکلاری طرفیندن فینانسمانینین قاداغان ائدیلمهسی و دولت سئکتورونون مالی تشکیلاتلارا ایمتیازلی شکیلده الده ائتمهلرینین قارشیسینین آلینماسی مسئلهلرینی ایچهریر.
باش باخان کؤمکچیسی شیمشک، اوروپا بیرلیگ باخانی بوزکیر و خاریجی ایشلر باخانی چاووش اوغلو بروکسله ائدهجکلری بو سفرده آیریجا، اوروپا دؤور باشقانلیغینی 1 ژانویه 2016 تاریخینده دئورالاجاق هولندین خاریجی ایشلر باخانی برت کوندرسین ائو صاحبلیگی کئچیریلهجک ایش یئمیینه ده قاتیلاجاقلار.
اوروپا بیرلیگ باخانی و باش موذاکرهجی سفیر وولکان بوزکیر، بروکسلدکی ایکیطرفلی تماسلاری چرچیوهسینده، ایشلر، بؤیومه، یاتیریم و رقابتچیلیکدن مسئول اوروپا بیرلیگ کومیسیونو باشقانی کؤمکچیسی یورکی کاتاینن و رقابتدن مسئول اوروپا بیرلیگی کومیساری مارگرت وستاگر ایله ده آیری-آیری گؤروشهجک.
'11-جی تورکیه - اوروپا بیرلیگی حوکومتلرآراسی ایشتیراک کونفرانسیندا و بروکسلده کئچیریلهجک ایکیطرفلی دانیشیقلاردا تورکیهنین اوروپا بیرلیگینه قوشولما موذاکرهلریندکی سون وضعیت، تورکیه- اوروپا بیرلیگی علاقهلری 29 نوامبردا بروکسلده ائدیلن تورکیه- اوروپا بیرلیگی ایجلاسینین نتیجهلری گؤز قارشیسیندا ساخلانیلاراق بوتون یؤنلریله اله آلیناجاق.