اردوغان گوندمی دگرلندیردی
"بو مسئلهنین قانی، سوریهده اسد رژیمینی آیاقدا توتماق ایستهینلرین الینه آیاغینا بولاشماقدادیر"
پرزیدنت رجب طیب اردوغان، داعش ترور هؤرگوتونون بؤلگهده حسابی اولان هر کسین ایستیفاده ائتدیگی بیر کوکلا اولدوغونو سؤیلهرک؛
"بو مسئلهنین قانی، سوریهده اسد رژیمینی آیاقدا توتماق ایستهینلرین الینه آیاغینا بولاشماقدادیر" دئدی.
جمهورباشقانلیغی ساراییندا دانیشان پرزیدنت اردوغان گوندمی دگرلندیردی.
تورکیهنین هله ده 2،5 میلیون سوریه و عراقلینی قوناق ائتدیگینی ایفاده ائدن پرزیدنت، آغ دنیز و ائگهده باتان قاییقلاردا، واختیندا یئتیشیب ده قورتاریلاممایان اوشاقلارین، ساحیله ووران اؤلو بدنلری قارشیسیندا تورک ملتینین اوریینین سیزلادیغینی سؤیلهدی.
تورکیهنین 5 ایلدیر بو مسئلهنین عهدهسیندن اؤز ایمکانلارییلا گلدیگینی بیلدیرن پرزیدنت، آوروپا بیرلیگینین وعد ائتدیگی 3 میلیارد یورولوق یاردیمین یالنیز بو ساحهدکی چابالاری آسانلاشدیراجاغینی ایفاده ائتدی.
اردوغان؛
"بو مسئلهیه یالنیز اؤز گوونلیکلرینی قوروما قایغیسی ایله یاناشانلار قارشیسیندا، بیز، اینسانی دوروشوموزو گؤسترمهیه داوام ائدجییک" دئیه دانیشدی.
ترور هؤرگوتو داعشین اسد رژیمیله مشترک طرفلرینین اولدوغونو دیله گتیرن اردوغان؛
"بونلارین بیر بیریله چاتیشیر گؤرونمهسینه باخمایین. نفتی رژیمه ساتان او. روسیا وطنداشی اولان ایکی آدام، عینی زاماندا سوریه وطنداشی اولان بو شخصلر، نفتی آلیر هم رژیمه هم دونیایا ساتیر" دئدی.
بو مسئلهیه بؤلگهنین تاریخی و حقیقتلری ایشیغیندا معقول، منطیقلی و سوردورولهبیلیر بیر چؤزوم تاپمانین اولوسلارآراسی توپلوم اوچون اخلاقی بیر ضرورت حالینا گلدیگینی ایفاده ائدن اردوغان، بونون اوچون تروردان آریندیریلمیش گوونلی بؤلگهلر یارادیلماسی و ایلیملی مخالیفلره ائگیت-دونات پروگرامی تکلیفلرینده اصرارچی اولدوغونو ایفاده ائتدی.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719014119)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719014119)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی