بؤیوک ایستانبول پروژهسی اوچون گئری سایما باشلادی
سؤز موضوعسو ایش ایچینده قورودا و دنیزده درین قازما ایشلری ائدیلهرک، زمین بیلگیلری تعیین اولوناجاق. مناقصه پروسهسینین آردیندان 1 ایل ایچینده موهندیسلیک پروژهلرینین تاماملانماسی پلانلاشدیریلیر
بؤیوک ایستانبول پروژهسی اوچون گئری سایما باشلادی.
نقلیات، دنیزچیلیک و خبرلشمه ناظیرلیگی طرفیندن 3 مرتبهلی بؤیوک ایستانبول تونئلی پروژهستینده ایلک آددیم اولاراق ائتوت، پروژه و موهندیسلیک خیدمتلری اوچون 23 دسامبردا مناقصه ائدیلهجک.
سؤز موضوعسو ایش ایچینده قورودا و دنیزده درین قازما ایشلری ائدیلهرک، زمین بیلگیلری تعیین اولوناجاق. مناقصه پروسهسینین آردیندان 1 ایل ایچینده موهندیسلیک پروژهلرینین تاماملانماسی پلانلاشدیریلیر.
ایستانبول یئنی دلی لاییحهسی اولان ایستانبول بوغازینین آلتیندان کئچهجک 3 مرتبهلی بؤیوک ایستانبول تونئلی، تک تونئلده هم قورو یولو هم ده دمیریولونون اولدوغو، اورتادان گلیش و گئدیش اولماق عذره دمیریولو، اوست و آلتدا دا ایکی شریتلیلی رئزین تکرلی ماشین کئچیشینه اویغون اولاراق ائدیلهجک.
تونئلین بؤیوکلوگو و قاپسامییلا دونیادا ایلک اولاجاق لاییحهنین بیر آیاغی، اوروپا یاخاسیندا E-5 عکسینده اینجیرلیدن باشلایان و ایستانبول بوغازیندان کئچهرک آنادولو یاخاسیندا سؤغوتلوچشمهیه قدر اوزانان یوکسک توتوملو و سرعتلی مترو سیستمیندن میدانا گلهجک. پروژهنین ایکینجی آیاغی ایسه اوروپا یاخاسیندا TEM اوتویولو عکسینده هاسدال قاوشاغیندان باشلایان و ایستانبول بوغازیندان کئچهرک آنادولو یاخاسیندا شاملیق قاوشاغینا باغلانان 2x2 شریتلی قورو یولو سیستمیندن میدانا گلهجک.
تونئل، 9 مترو ختط ایله، TEM اوتو یول، E-5 قورو یولو و شمالی مارمارا اوتو یولو ایله اینتقراسیون ائدیلهجک. تیک-ایشلت- دئور ائد مودئلیله تیکیلمهسینه باشلانماسینین آردیندان 5 ایل ایچینده تاماملاناجاق.
تونئلین ایستیفادهیه کئچمسیله اوروپا یاخاسیندا اینجیرلیدن، آنادولو یاخاسیندا سؤغوتلوچشمهیه، 31 کیلومتر اوزونلوغوندا 14 ایستگاهیندان عبارت اولاجاق سرعتلی مترویلا تخمینن 40 دقیقهده چیخیلاجاق. اوروپا یاخاسیندا هاسدال قاوشاغیندان آنادولو یاخاسیندا شاملیق قاوشاغینا قورو یولویلا تخمینن 14 دقیقهده کئچیلهجک. حتی گونده 6،5 میلیون یؤلچونون فایدالانماسی گؤزلنیلیر.
ایلگیلیلی خبرلر
![ترورلا موباریزه قطعیتله داوام ائدیر](http://cdn.trt.net.tr/images/medium/rectangle/828b/04e9/7c0a/666c1fc0b666e.jpg?time=1718965135)
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب