اردوغان روسیانی قارا تبلیغاتلا سوچلادی
"سرحدهکی 15 مین تورک عسگری، اولاسی بیر تهلوکهیه قارشی، تانکییلا توپویلا حاضر وضعیتده"
پرزیدنت رجب طیب اردوغان، روسیانی، 24 نوامبر دا سرحدی پوزدوغو اوچون تورک اف-16لاری طرفیندن دوشورولن اوچاق ایله ایلگیلی قارا تبلیغاتلا سوچلادی.
قطر دؤنوشو اوچاقدا قازئتهچیلره دانیشان اردوغان، دونیا لیدئرلرینین، روسیا دؤولت باشقانی ولادیمیر پوتینه اینانمادیغینی سؤیلهدی.
روسیانین یاپدیریملاردان سؤز ائتمهسینین خوش اولمادیغینی ایفاده ائدن پرزیدنت، طبیعی گاز آلیشی قونوسوندا دا راحاتسیزلیغا گرک اولمادیغینی قید ائتدی.
پرزیدنت، تورکیه-روسیا آراسینداکی بحرانین مئدیا و سوسیال مئدیا اوزریندن دئییل ماسادا آشیلابیلهجگینی ایفاده ائتدی.
سوریه قونوسونا دا توخونان اردوغان، سیاسی گئچیش پروسهسینی تامین ائتمک اوزره داعش ایله مباریزهنین داوام ائدجیینی وورغولایاراق،
"فرانسا دا بو ایشه قاتیلماقدا قرارلی اولدوغونو سؤیلهدی. گلیشمهلر ایستیقامتینده، لازیم دگرلندیرمهلر ائدیلهجک" دئدی.
اردوغان، کوالیسیون گوجلرینین مباریزهسینین اؤنجه داعش و ترور هؤرگوتلرینه قارشی اولدوغونا ایشاره ائدهرک، تورکیهنین ترور هؤرگوتلرینین هامیسینا قارشی اولدوغونو دا هر زامان دیله گتیردیگینی سؤیلهدی.
سوریهده تورکمنلرین اولدوغو بؤلگهده ی.پ.گ و پ.ی.دنین اولمادیغینی ایفاده ائدن پرزیدنت، سرحدهکی 15 مین تورک عسگرینین، اولاسی بیر تهلوکهیه قارشی، تانکییلا توپویلا حاضر وضعیتده اولدوغونو ایفاده ائتدی.
پرزیدنت رجب طیب اردوغان، پرزیدنت سیستمی ایله ایلگیلی اولاراق دا،
"باشقانلیق سیستمی اولمازسا، پارتیلی جمهورباشقانی دا مؤوجود تیخانیقلیغین آشیلماسینی ساغلار" دئدی.
اردوغان،
"ایکی باشلیلیغی آرادان قالدیرماق لازیمدیر. عکس تقدیرده، بیر بیرینیزی نه قدر سئوسهنیز ده گئچمیشده نه قدر بیرلیکده اولسانیز دا زامان زامان چتینلیکلر سؤز قونوسو اولابیلر. آما پارتیلی جمهورباشقانی اولدوغو زامان، فرانساداکی سیستمین فرقلی بیر ورسیونو سؤز قونوسو اولاجاق دئمکدیر. بونون دا آیری بیر گوج قاتابیلهجگینی دوشونورم "دئیه دانیشدی.
ایلگیلیلی خبرلر
یاشار گولر لیبی ساوونما ناظیرینین معاوینی ایله گوروشوب
میللی ساوونما ناظیری یاشار گولر لیبی ساوونما ناظیرینین معاوینی عبدالسلام زوبینی قبول ائدیب.