روسیانین آنکارا ائلچیسی باخانلیغا چاغریلدی

روسیانین آنکارا ائلچیسی آندری کارلوو، تورکیه‌نین موسکوا ائلچیلیگینه ائدیلن سالدیری سببیله خاریجی ایشلر باخانلیغینا چاغریلدی.
کارلووا سالدیری‌دان دویولان راحاتسیز‌لیق چاتدیریلدی.
خاریجی ایشلر باخانلیغین‌دان وئریلن یازی‌لی آچیقلامادا، سون گون‌لرده روسیا‌داکی تمثیلچیلیکلریمیزین و بو اؤلکه‌دکی تورک شیرکت‌لری‌نین، اعتراض گؤستریسیی آدی آلتیندا فیزیکی سالدیری‌لارا معروض قالدیغی ایفاده ائدیلدی.
آچیقلامادا،
"روسیا‌داکی بوتون میسیون‌لاریمیز، روس مقام‌لاری ایله تماس قورا‌راق علاوه تهلوکه‌سیزلیک تدبیرلری‌نین تئزلیکله آلینماسینی طلب ائتمیش‌دیر" دئییلدی.
اؤته یاندان روسیا دا، تورکیه‌ده اؤزل سبب‌لردن اؤترو اولان وطنداش‌لارینا، اؤلکه‌لرینه دؤنمه‌لرینی تؤوصیه ائتدی.
بو آرادا، تورکیه‌دن، یوگارگو اولوسلارآراسی تاریم سرگیسینه قاتیلماق اوزره روسیانین کراسنودار شهرینه گئدن 26 تورک ایش آدامی گؤز آلتینا آلیندی.
دیپلوماتیک قایناق‌لاردان الده ائدیلن بیلگییه گؤره، تورک ایش آدام‌لاری، سرگی ساحه‌سی ایچین‌دکی غرفه‌لره گلن و پاسپورت کنترلو ائدن سیویل پلیس‌لر طرفین‌دن پلیس مرکزینه آپاریلدی.
سخر ساعات‌لارینا قدر بورادا توتولان و ارته‌سی گون محکمه‌یه چیخاریلان ایش آدام‌لاری، 10 گون بویونجا گؤز آلتیندا توتولدوق‌دان سونرا سینیردیشی ائدیله‌جک.
تورکیه‌نین موسکوا ائلچیلیگی، سوسیال مئدیا حسابین‌دان دویورولار یایینلایاراق، روسیا‌داکی تورک وطنداشلاریندان‌ پاسپورت و باشقا سندلرینی یان‌لاریندا ساخلاما‌لاری، ویزا و ایجازه‌لرینی کنترل ائتمه‌لری ایسته‌ندی.
"روسیا‌داکی قورال‌لارا و روس اورگان‌لاری‌نین اویاری‌لارینا دقتله رعایت ائدیلمه‌سی" خاطیرلادیلان دویورولاردا، رسمی گؤروش‌لر آپارماق اوچون روسیایا سیاحت ائدن تورک وطنداش‌لاری‌نین، اؤلکه‌یه گیریشده دولدوردوق‌لاری سیاحت سندلری‌نین اؤلکه‌یه گلیش مقصدیله اویغون اولماسی لازیم اولدوغو قید ائدیلدی.