تورکیه روسیانی اویارمیشدی
دؤردونجو پوزونتودا تورک اف-16لارینا 'وور' امری وئریلدی
تورک هاوا ساحهسی سون آیلاردا 3 دفعه روس اوچاقلاری طرفیندن پوزولدو. آنگاژمان قوراللارینین اویقولاناجاغینین بیلدیریلمهسینه قارشی دؤردونجو پوزونتودا اویاریلاری دقته آلمایان اوچاق وورولدو.
وطن قزئتینین خبرینه گؤره، 24 نوامبردان اؤنجه ده روس اوچاقلاری اوچ دفعه تورک هاوا ساحهسینه گیردی. پوزونتولار، 3، 4 و 29 اکتبر تاریخلرینده یاشاندی. بو پوزونتولاردان سونرا روس یئتکیلیلرله 5 دفعه گؤروشولدو. تورک ایله روس یئتکیلیلر آراسیندا پوزونتولارلا ایلگیلی ایلک دیپلوماتیک تماس 3 اکتبردا یاشاندی.
روسیا فدراسیونو آنکارا ائلچیسی، خاریجی ایشلر باخانلیغینا چاغیریلاراق تورکیهنین راحاتسیزلیغی بیلدیریلدی. بو اویارییا باخمایاراق 4 اکتبر تاریخینده روس اوچاقلاری یئنه تورک هاوا ساحهسینی پوزدو. تورکیه ایله روسیا آراسیندا سرحد پورونتولاریلا ایلگیلی توپلام 5 توپلانتی ائدیلدی. 3 اکتبردا دیش ایشلرینه چاغیریلان روسیا ائلچیسینه آنگاژمان قوراللاریمیز بیلدیریلدی.
5 و 6 اکتبر تاریخلرینده ایسه روسیا فدراسیونو ساوونما نمایندهسی، باش قرارگاها دعوت ائدیلهرک قرارلیلیغیمیز دیله گتیریلدی. 7 اکتبردا باش قرارگاهین قوناغی بو سفر روسیا سیاسی مستشار وکیلی آلکساندر قانتمیروو اولدو.
15 اکتبردا دا روسیادان 9 نفرلیک بیر حربی هیات تورکیهیه گلدی. 12 نفردن اولوشان تورک هیاتیله ائتدیکلری توپلانتیدا روسلارا آنگاژمان قوراللاریمیز دقیق بیر شکیلده ایفاده ائدیلدی.
توپلانتیلارا باخمایاراق 29 اکتبر تاریخینده ده پوزونتو گرچکلشدی. بو سفر تلفن دیپلوماسیسی ایله قرارلیلیغیمیز روسلارا بیلدیریلدی. تکرار ائدرسه آنگاژمان قوراللارینین اویقولاناجاغی کسین بیر دیلله بیلدیریلدی. دؤردونجو پوزونتودا ایسه تورک اف-16لارینا 'وور' امری وئریلدی.