تورکیه جمهور باشقانی و باشباخانی، آتاتورکون ابدیته اینتیقالینی
اردوغان، اونون "ان بؤیوک اثریم" دئدیگی و گلهجک نسیللره امانت ائتدیگی تورکیه حمهوریتینی، اجداددان آلدیقلاری گوج و ایلهاملا داها ایرهلییه داشیماق ، داها گوجلو، داها مرفه بیر اؤلکه حالینا گتیرمک اوچون موباریزه ائتدیکلرینی ایفاده ائتدی
تورکیه پرزیدنتی اردوغان، غازی مصطفی کمال آتاتورکون ابدیته اینتیقالینین 77. ایلی سببیله بیر مساژ یایینلادی.
بوتون دونیانین تقدیرینی قازانمیش استیثنا شخصیتلردن بیری اولان غازی مصطفی کمال آتاتورکون باش قوموتان اولاراق الده ائتدیگی ظفرلرله آدینی تاریخه یازدیردیغینی وورغولایان اردوغان، اونون "ان بؤیوک اثریم" دئدیگی و گلهجک نسیللره امانت ائتدیگی تورکیه حمهوریتینی، اجداددان آلدیقلاری گوج و ایلهاملا داها ایرهلییه داشیماق ، داها گوجلو، داها مرفه بیر اؤلکه حالینا گتیرمک اوچون موباریزه ائتدیکلرینی ایفاده ائتدی.
پرزیدنت اردوغان، تورکیهنین دموکراسیده و اینکیشاف موباریزهسینده، خصوصیله سون 13 ایلده چوخ اهمیتلی مسافه گئتدیگینه دقتی چکهرک، "میللتیمیزله بیرلیکده، بیر اولاراق، ایری اولاراق، دگری اولاراق، قارداش اولاراق، همیشه بیرلیکده تورکیه اولاراق 2023 هدفلریمیز ایستیقامتینده موباریزهمیزی داوام ائتدیرمکده قرارلیییق" ایفادهسینی ایستیفاده ائتدی.
آتاتورکون وفاتینین 77ینچی ایل دؤنومو سببیندن بیر مساژ یایینلایان باش ناظیر احمد داوود اوغلو دا
تورکیهنین دموکراسی حاق و آزادلیقلار ساحهسینده سرعتله بؤیوگوب دونیانین ان حؤرمتلی اؤلکهلری آراسیندا یئر آلدیغینا دقت چکدی.
"میللتیمیز، جمهوریتیمیزین و دموکراسیمیزه صاحب چیخماغا داوام ائدهجک"دئین باش ناظیر، تورکیه جمهوریتینین بوتون مانعلره باخمایاراق تک اورک حالیندا تاریخی یوکسلیشینی داوام ائتدیرهجگینی وورغولادی.
باش قرارگاه باشقانی ژنرال هولوسی آکار دا، تورکیه جمهوریتینین قوروجوسو مصطفی کمال آتاتورکون سونسوزلوغا اوغورلانیشینین 77ینچی ایل دؤنومو سببیندن بیر مساژ یایینلادی.
آکار: "ابدی باش قوموتان آتاتورک، معاصیرلشمه هدفلهین جمعیتلر اوچون ده اویانیشین اؤنچوسو اولموشدور" دئدی.
باش قرارگاه باشقانی، آتاتورکچو دوشونجه سیستمینین تورکیه جمهوریتینین اؤلکهسی و میللتیله بؤلونمز بیر بوتون اولاراق یاشاماسینین تأمیناتی اولان دگرلر منظومهسی اولدوغونو ایفاده ائتدی.