اردوغان پوتیندن بیلگی آلدی

پرزیدنت رجب طیب اردوغان، روسیا دؤولت باشقانی ولادیمیر پوتین ایله تلفندا دانیشاراق سوریه لیدئری اسدین دوننکی موسکوا سفرینه باغلی بیلگی آلدی.
سوریه‌ده‌کی سون گلیشمه‌لره دایر راحاتسیز‌لیق‌لارینی دیله گتیرن اردوغان، حلب و اطرافینی هدف آلان سالدیری‌لارین یئنی بیر کؤچ دالغاسی یاراتماسین‌دان دویدوغو قایغینی دا ایفاده ائتدی.
اردوغان، روس قونومداشینا، پ.ی.د و ی.پ.گ‌نین ترور هؤرگوتو پ‌کاکا ایله باغلانتی‌لارینی دا آیرینتی‌لی شکیلده ایضاح ائده‌رک، تورکیه‌نین داعش داخیل بوتون ترور هؤرگوتلری ایله مباریزه‌یه اؤنم وئردیگینی وورغولادی.
ایکی لیدئر، گله‌جک آی، گ‌20 ذیروه‌سی‌نین تشکیل ائدیله‌جیی آنتالیادا بیر آرایا گلدیک‌لرینده بوتون قونولاری اطراف‌لی شکیلده دانیشما قونوسوندا دا آنلاشدی.
بشار اسد، اؤلکه‌سینده ایچ ساواشین باش وئردیگی 2011.جی ایلدن بو یانا ایلک دفعه یورددیشینا چیخا‌راق، دونن موسکوادا پوتین ایله بیر آرایا گلمیشدی.