تورکیه، آوروپا و سیغینماچی بحرانی
تورکیه، سوریه و عراق‌دان گلن 2 میلیون‌دان اوزرینده سیغینماچینین مسئولیتینی چیگین‌لرینده داشیمیش‌دیر
پرزیدنت باش کاتیبی‌نین یاردیمچیسی و سؤزجوسو ابراهیم قالین‌ین دیلی صاباح‌داکی بوگونکو مقاله‌سی
سوریه منشأ‌لی سیغینماچی بحرانی شامات‌دان تورکیه و آوروپایا قدر چاتان یئنی سیاسی و انسانی دینامیک‌لر یاراتمیش‌دیر.
آیریجا، مرحمت‌سیز و غیری اخلاقی بیر ساواش‌دان قاچان یوز مین‌لرجه اینسانین قورتاریلماسی و باریندیریلماسی کیمی چوخ بؤیوک میدان اوخوما‌لاری دا اورتایا چیخارمیش‌دیر.
تورکیه، سوریه و عراق‌دان گلن 2 میلیون‌دان اوزرینده سیغینماچینین مسئولیتینی چیگین‌لرینده داشیمیش‌دیر - بونو اخلاقی و اینسانی بیر وظیفه اولا‌راق گؤروب شوکور و ممنونیت حس‌لری ایله ائتمکده‌دیر.
آنجاق، بیرلشمیش میلت‌لر سیغینماچیلار یوکسک کمیسرلیگی‌نین تانیملادیغی کیمی ایکینجی دونیا محاربه‌سین‌دن بو یانا یاشانان ان بؤیوک سیغینماچی بحرانینی ایداره ائتمک اوچون داها چوخونا احتیاج واردیر.
پرزیدنت رجب طیب اردوغان بو قونونو و باشقا قونولاری آوروپا بیرلیگی لیدئرلریله مذاکیره اوچون بو هفته بروکسلده ایدی.
آوروپا شوراسی باشقانی دونالد توسک، آوروپا کمیسیونو باشقانی جین-کلود یونکر، آوروپا پارلامنتی باشقانی مارتین شولز و اردوغان، بحرانین اینسانی، مادی-تکنیکی و مالی اؤلچولرینی آراش‌دیرا‌جاق اورتاق بیر تورکیه-آوروپا ایش قروپو میدانا گتیرمه‌یه قرار وئردی‌لر.
تورکیه ایله آلمانیا، سوریه و باشقا یئرلردن آوروپایا اولان سیغینماچی آخینینی ایداره ائده‌جک بیر ایش قروپو میدانا گتیرمیشدی.
تورکیه-آ.ب ایش قروپو ایسه گئتدیکجه درین‌لشن بو بحرانا، قبول ائدیله‌بیلر و داوام‌لی بیر چؤزوم تاپماق اوچون قیسا و اوزون مدت‌لی تدبیرلر احتیوا ائدن بیر یول خریطه‌سی حاضرلایا‌جاق.
یونکرین ایفاده ائتدیگی "چوخ آچیق کی بیزیم تورکیه‌یه احتیاجیمیز وار. کومیسیون کمگینه گله‌جک‌دیر"، جمله‌سی آوروپا‌داکی اومومی فیکری دیله گتیرمکده‌دیر.
نادیر گؤرولن بیر داورانیشلا، 7 اکتبردا، آلمان باشباخانی آنگلا مرکل و فرانسا پرزیدنتی فرانسوا اوللاند آوروپا پارلامنتینده ائتدیک‌لری اورتاق بیر دانیشمادا آ.ب عضو دؤولت‌لرینی مسئولیت آلماغا دعوت ائتدی‌لر.
اوللاند، همری‌لیک، مسئولیت و قرارلیلیق ایلکه‌لرینی یئنی‌دن تصدیق ائدن "صمیمی بیر آوروپا"نی مدافعه ائدرکن، مرکل تورکیه‌نین "کیلید رولونا" ایستیناد ائده‌رک داها چوخ دستک سؤزو وئردی.
کی گئرچکده ده داها چوخ دستک و کووردیناسیونا احتیاج وار. تورکیه بو بؤیوین بحرانلا اؤز باشینا مباریزه ائده‌بیلمز.
حاضردا، سوریه‌دن گلن 2 میلیونون اوزرینده سیغینماچینین تورکیه سینیرلارینداکی دوشرگه‌لرده و اؤلکه‌نین موختلیف شهرلرینده ساخلاماقدا‌دیر.
سیغینماچیلار، حکومت، سیویل توپلوم تشکیلات‌لاری و کؤنول‌لو وطنداش‌لار طرفین‌دن ائدیلن یاردیم‌لارلا یاشاییرلار.
بیرلشمیش میلت‌لر سیغینماچیلار یوکسک کمیسرلیگی و باغلی آ.ب تشکیلات‌لاری دا بعضی یاردیم‌لار ائدیرلر، آنجاق بو یاردیم‌لار لازیم اولان و ایستنیلن مقدارین چوخ چوخ آلتیندا.
بون‌دان علاوه، روسیانین سوریه ساواشینا اولان حربی موداخیله‌سی یئنی بیر سیغینماچی دالغاسینا یول آچا بیلر.
دمشق، حماه، حلب و حمص اطرافین‌داکی ایلیملی سوریه‌لی موخالیف قروپ‌لارا ائتدیک‌لری هوجوم‌لارین یئنی بیر سیغینماچی دالغاسینی حرکته گتیرمه‌سی احتیمال ائدیلیر. کی بون‌لارین بؤیوک بیر اکثریتی‌نین تورکیه گلمه‌سی ده مومکون‌دور، چونکو اؤلکه‌نین شیمالیندا یاشایان‌لار اوچون تورکیه ان اعتبارلی و آسان گئچیش یولودور.
بو آنکی سیغینماچی بحرانی ایله موجادیله ان تأثیرلی شکیلده باش ائتمک اوچون قیسا و اوزون مدت‌لی اوچ تدبیر واردیر.
ایلکی، حاضردا آوروپا اؤلکه‌لرینده اولان یا دا قورو و دنیز یولو ایله آوروپا اؤلکه‌لرینه چاتماقدا‌دیر اولان سیغینماچی‌لارین واریش‌لاری‌نین و یئرلشدیریلملری‌نین کووردیناسیونو.
قادین‌لارین و اوشاق‌لارین اوزون مسافه‌لر بویونجا گئتمک مجبوریتینده قالدیق‌لاری، کوچه‌لرده یاتدیق‌لاری یا دا پلیس طرفین‌دن اوزرلرینه گاز سیخیلدیغی گؤرونتو‌لر اوتانج وئریجی و موطلق بونا سون وئریلمه‌لی‌دیر.
آوروپا‌لی‌لار و سیویل توپلوم تشکیلات‌لاری قول‌لارینی و قلبینی سیغینماچی‌لارا آچمیش‌دیر و حکومت‌لری ده عینی‌سینی ائتمه‌لی‌دیر.
سیغینماچی‌لارین ایچینه دوشدوگو وضعیتی ایستیثمار وسیله‌سی ائدن کؤچمن قارشیدی و خاریجی دوشمنی قروپ‌لار، آوروپایا یالنیز بیر نئچه اون ایل اؤنجه یاشادیغی اؤز کؤچ تاریخینی آنیمساتما‌لی‌دیر.
ایکینجی‌سی ایسه تورکیه و آ.ب آراسین‌داکی کووردیناسیون و ایش بیرلیگی‌نین سوریه و باشقا یئرلردن گلن سیغینماچیلار مؤوضوعوندا داها اوست سویه‌یه چیخاریلماسی‌دیر.
یوخاریدا دا قید ائتدیگیم کیمی، تورکیه آ.ب سیغینماچیلار ایش قروپو ایشه باشلامیش اولوب، اطراف‌لی مصلحت‌لشمه‌لر داوام ائده‌جک.
بو مرحله‌ده، تورکیه‌نین و آ.ب‌نین احتیاج و اؤنجه لیک‌لری بیرلیکده گوندمه گلمه‌لی‌دیر.
مذاکیره‌لر اورتایا چیخان یوکو بیر دیگری‌نین اوستونه آتماق‌دان چوخ، "یوک پای‌لاشیمی" اوزرین‌دن یئریمه‌لی‌دیر.
یاخشی دوشونولممیش تدبیرلر و وضعیتی قورتارماغا قارشی آددیم‌لار داوام‌لی چؤزوم‌لر اورتمه‌یه‌جکدیر.
تورکیه‌یه کؤمک ائده‌رک آ.ب اؤلکه‌لری اصلینده اؤزلرینه کؤمک ائتمیش اولا‌جاق‌لار.
اردوغانین بوروکسل سفرینده دئدیگی کیمی، تورکیه‌نین آ.ب‌یه عضولوک پروسه‌سینی سرعتلن‌دیره‌جک و تورک وطنداش‌لاری اوچون ویزاسیز سیاحت گتیره‌جک گئنیش بیر تدبیرلر پاکتی تورکیه‌نین یوکونو یونگول‌لش‌دیره‌جک کی بونون قارشیلیغیندا آ.ب‌نین ده ایشی آسان‌لاشا‌جاق.
اوچونجو تدبیر ایسه سیغینماچی بحرانی‌نین اوریینه ائنیر و سوریه پرزیدنتی بشار اسد رژیمی‌نین سوریه‌ده ائتدیگی قان‌لی ساواش گئرچیینه آپاریر بیزی.
بیر چوخ چالیشمانین گؤستردیگی کیمی، سوریه‌لی سیغینماچیلار سالخیم بومباسی، کیمیوی سلاح و داعش و اسد رژیمی اوچون ساواشان میلیتان‌لاردان قاچیر.
سیغینماچی پروبلئمینین تمل‌دکی سببی، سون دؤرد ایلدیر داوام ائدن، تلفظو امکانسیز ظلم و اینسان‌لیق تراژدیلرینه یول آچان سوریه‌داکی ساواش‌دیر.
ایندی ایسه، روسیا، ایران‌لی قوموتانلارین، میلیتان‌لارین، استخباراتی‌نین و پولونون وئردیگی دستک ایله بوتون گوجو ایله اسد رژیمینی قورتارماق اوچون ساواشا داخیل اولدو.
اؤنجه‌دن ده سؤیلدیگیم کیمی، بو یئنی گلیشمه‌لر تهلوکه‌لی‌دیر و سیغینماچی بحرانینا سون وئرمک یئرینه کسین‌لیکله بحرانی اوزادا‌جاق.
اصلینده بشریتین یاخین تاریخینده یاشانان بو ان فاجعه‌لی اینسان‌لیق دورومویلا باش ائتمک اوچون، تورکیه و آ.ب آراسیندا قورولا‌جاق اولان داها یاخین اورتاق‌لیق و کووردیناسیون ایلیشیک‌‌سی هر ایکی طرف اوچون ده بیر فورصت اولابیلر.
باشقالارینا کؤمک ائتدیگیمیز زامان اؤزوموزه ده کؤمک ائتمیش اولاریق.
