تورکیه روسیانی اویاردی
اعتراض نوتاسی وئریلن بؤیوک ائلچیه، آغیر ایفادهلرله، "ایستنمهین حادثهلرین سببی اولارسینیز" خبردارلیغینی ائتدی.
تورک هاوا ساحهسینده ایکینجی پوزونتو ...
تورکیه خاریجی ایشلر ناظیرلیگی، روس ساواش اوچاقلارینین تورک هاوا ساحهسینی ایکینجی دفعه پوزماسی اوزرینه روسیانین آنکارا بؤیوک ائلچیسینی چاغیردی.
اعتراض نوتاسی وئریلن بؤیوک ائلچیه، آغیر ایفادهلرله، "ایستنمهین حادثهلرین سببی اولارسینیز" خبردارلیغینی ائتدی.
ناتو و آمریکادان ایسه روسیایا قیناما گلدی.
آمریکا خاریجی ایشلر ناظیری جان کری، تورک هاوا ساحهسینین پوزونتو ائدیلمهسینین اونو "چوخ نیگران ائتدیغینی" ایفاده ائتدی. کری؛
- "تورکیه، حاقلار ایستیقامتینده قارشیلیق وئرهرک بو اوچاغی دوشورهبیلیردی. بو تام دا بیزیم داها اوّلدن اویاردیغیمیز بیر موضوع" دئدی.
آمریکا دیش ایشلریندن ائدیلن آچیقلامادا ایسه، "روس ساواش اوچاغینین تورک هاوا ساحهسینی پوزولماسی، قورخودوجو و احتیاطسیز" دئییلدی.
ناتو باش کاتیبینین استولتنبرگین چاغیریسی اوزرینه سفیرلر سویهسینده توپلاندی.
توپلانتیدان سونرا ائدیلن آچیقلامادا، روسیانین بؤلگهدکی تلاشلاری "تهلوکهلی و مسئولیتسیزجه" اولاراق خاراکتریزه ائدیلدی.
آچیقلامادا، روسیادان بو جور حادثهلری اؤنلمهسی استنیرکن تورکیهیه دستک مساژی وئریلدی.
موضوعنون بو هفته رئاللاشدیریلاجاق ناتو ساوونما ناظیرلری توپلانتییسیندا دا اله آلینماسی گؤزلنیلیر.