احمد داوود اوغلو: شدته چاتان ایفراطچیلیغی هئچ بیر مذهب، دین و ی
داوود اوغلو، شدته چاتان آشیریچیلیقلا مباریزه موضوعسوندا ان یاخشی آچارین، باریشا، ثابتلیک، ریفاه و عدالت اولدوغونو ایفاده ائدهرک، "بیزلر مسئولیتلریمیزی یئرینه یئتیرملیگیک و دگرلریمیزدن اوزاقلاشمامالیییز" دئدی
تورکیه باش ناظیری احمد داوود اوغلو، شدته چاتان ایفراطچیلیغی هئچ بیر مذهب، دین و یا اتنیک قورولوشا باغلانماماسی لازیم اولدوغونو سؤیلهدی.
داوود اوغلو، بیرلشمیش میللتلر تشکیلاتینین 70ینجی دؤور توپلانتیلارینین اولدوغو نیویورکداکی سفریندن 5-جی گونونده، آمریکا پرزیدنتی باراک اوبامانین خصوصی دعوتی اولاراق "تروریزمله مباریزه" ایجلاسیندا، لیدرلره سسلندی.
باش ناظیر داوود اوغلو، شدته چاتان آشیریچیلیقلا مباریزه موضوعسوندا ان یاخشی آچارین، باریشا، ثابتلیک، ریفاه و عدالت اولدوغونو ایفاده ائدهرک، "بیزلر مسئولیتلریمیزی یئرینه یئتیرملیگیک و دگرلریمیزدن اوزاقلاشمامالیییز" دئدی.
تروریزمین مالیلشدیریلمهسی ایله باغلی مباریزهنین داوام ائتمهسی لازیم اولدوغونو وورغولایان داوود اوغلو؛
- "داعش ده النصرا ده هئچ بیر ترور قروپو یالنیز خاریجی ساواشچیلارین ایشتیراکی ایله آیاقدا دورمور. اینسانلارین گوونلیگینین اولماماسی، ائولریندن ائدیلمهلری، خاریجی دوشمنلیگی، ایسلام دوشمنلیگی، اتنیک چتینلیکلر شدته چاتان ایفراطچیلیغی بسلییر" دئیه دانیشدی.
آمریکا پرزیدنتی باراک اوباما دا، ائتدیگی دانیشمادا، داعش ایله مباریزهده تورکیهنین رولونا دقت چکدی.
تورکیهنین دستگی ایله سوریهده داعشه قارشی هاوا عملیاتلارینین آرتیریلدیغینی ایفاده ائدن آمریکا پرزیدنتی، داعشین تورکیه سرحدی ایله علاقهسینین بؤیوک اؤلچوده کسیلدیگینی و خاریجی ساواشچی آخیشینا مانع تؤردیلدیگینی سؤیلهدی.
اوباما، داعشین یئنیلنهبیلمسی اوچون سوریه لیدری اسدین موطلق گئتمهسی لازیم اولدوغونو یازارکن، ترور تشکیلاتینین یوخ ائدیلمهسی اوچون نیظامی، اقتصادی و ایستیخباری بوتون ایمکانلارین سفربر ائدیلهجگی سؤزونو ده وئردی.
شدت ایچهرن ایفراطچیلیغی هئچ بیر اینانج طرفیندن دستکلنمهیهجگینه توخونان اوباما؛
- "شدته چاتان آشیریچیلیق هئچ بیر دینه خاص دئییل. هئچ کیمسهنین اینانجیندان اؤتورو پروفیلینین دوزلدیلمهمسی و یا هدف گؤستریلممهسی گرکیر"دئیه دانیشدی.
ایجلاسا، عراق باش ناظیری حیدر العبادی و کوالیسیون اؤلکهلری خاریجی ایشلر ناظیرلری ده قاتیلدی.
عبادی ده چیخیشیندا، داعشه قارشی مباریزهده داها چوخ دستک ایستهدی.
فرانسا، ایتالیا، آلمان و اوسترالیا خاریجی ایشلر ناظیرلری ده، داعش ایله مباریزهده دستکلرینین داوام ائدهجگینی ایفاده ائتدیلر.