احمد داوود اوغلو، تورکیه‌دکی سوریه‌لی سیغینماجی‌لارلا گؤروشدو
بیر ساعات داوام ائدن گؤروشمه‌ده داوود اوغلو؛ - "سیزدن خواهیشیم، بو حرکتله دونیایا سسینیزی دویوردونوز، آرتیق نورمال حیاتا دؤنمه‌یه، بازار ارته‌سی آخشامینا قدر حرکتی سونلاندیرمانیز دئدی
باشباخان احمد داوود اوغلو، تورکیه‌دکی سوریه‌لی سیغینماجی‌لارلا گؤروشدو.
باشباخان احمد داوود اوغلو، یونانیستانا کئچمک عذره پازارکوله سرحد داروازاسینا گئتمک ایسته‌ین و گون‌لردیر ادیرنه‌ده یئرلشن سوریه‌لی سیغینماجی‌لارین نماینده‌لرینی چانکایا کؤشکونده قبول ائتدی.
بیر ساعات داوام ائدن گؤروشمه‌ده داوود اوغلو؛
- "سیزدن خواهیشیم، بو حرکتله دونیایا سسینیزی دویوردونوز، آرتیق نورمال حیاتا دؤنمه‌یه، بازار ارته‌سی آخشامینا قدر حرکتی سونلاندیرمانیز. بایرامدا سیزی گئتمک ایستدیگینیز شهر و دوشرگه‌لرده قوناق ائتمک اوچون هر جور ایمکانی سفربر ائدجگیک. بیز سوریه‌لی‌لار اژه دنیزینده یا دا یول‌لاردا اؤلمه‌سینی ایستمیریک" دئدی.
باشباخان داوود اوغلو، اوکتوبر آییندا یوکسک قاتیلیملی دونیا گؤچ کونگره‌سی‌نین تورکیه‌ده اولاجاغینی و بورادا سوریه‌لی قاچقین‌لار اوچون خصوصی بیر ایجلاس تشکیل ائدیلجگینی سؤیله‌دی.
بیرلشمیش میللت‌لر تشکیلاتی‌نین عمومی قورولوندا سوریه‌لی قاچقین‌لار موضوعسونون گوندم مادده‌سی اولماسی اوچون تورکیه‌نین دؤوره‌یه گیرجگینی ایفاده ائدن داوود اوغلو؛
- "اؤنوموزدکی هفته‌دن اعتباراً، بمت عمومی قورولوندا اولاجاغیق. سیزین زیارتینیزدن سونرا دا اهمیت‌لی حکومت باشچی‌لارینا شخصی بیر مکتوبلا سیزین مسله‌لرینیزی هم یازاجاغیم هم ده سوریه‌لی قاچقین‌لار موضوعسوندا اولوسلار آراسی بیر مراجعت ائده‌جه‌یم. بو موضوعدا دا سسینیزی ائشیتدیرمک اوچون هر جور چابایی گؤسترجگیک، هر جور دستگی وئرجگیک "دئدی.
