تورکیه، بی‌بی‌سی‌نی قینادی

بی‌بی‌سی‌نین بؤلوجو ترور هؤرگوتو یایینینا تورکیه‌دن قیناما!
اینگیلیس یایین قورولوشو بی‌بی‌سی‌نین، تورکیه‌ده‌کی خاین سالدیریلاری داوام ائدن ترور هؤرگوتو پ‌کاکا حاقیندا حاضیرلادیغی بلگه‌سل تپکی چئکدی.
تورکیه، بی‌بی‌سی‌نین یایینینی سرت بیر شکیلده قینادی.
خاریجی ایشلر باخانلیغین‌دان وئریلن آچیقلامادا، سؤز قونوسو یایینین قبول ائدیله‌ممز اولدوغو ایفاده ائدیله‌رک؛
"باشدا آوروپابیرلیگی اؤلکه‌لری اولماق اوزره بیر چوخ اؤلکه‌نین تروریست اولا‌راق آدلاندیردیغی بیر هؤرگوت حاقیندا بو شکیلده یایین ائدیلمه‌سینی تروریزمه آچیق دستک‌دیر" دئییلدی.
بی‌بی‌سی‌نین، قوزئی ایرلندده بیر پلیس بؤلمه‌سینه بومبا‌یلا سالدیران ایرلند جمهوریتچی اوردوسو (ایرا) حاقیندا ایزلدیگی یایین سیاستینی پ‌کاکا ترور هؤرگوتو اوچون ده اویقولانماسینین گؤزلندیگی‌ وورغولانان آچیقلامادا، بو جور یایینلارین ترور هؤرگوت‌لری‌نین قوربان‌لاری‌نین حاق‌لاری‌نین دا بیر پوزولماسی اولدوغونا ایشاره ائدیلدی.
آچیقلامادا؛
"پ‌کاکا ترور هؤرگوتو، یالنیز سون بیر آیدا 64 اینسانی قتل ائتمیش، 350 نفری یارالامیش، 16 نفری قاچیرمیش، دمیریول‌لاری و سو آنبارلارینی تخریب ائتمیش، نقلیات آلت‌یاپی‌لارینا و آراجلار سالدیرمیش. ترور هؤرگوتلری، تروریزم قونوسوندا سرگیلنن بو سورومسوز و ایکی اوزلو یاناشیم و دستکدن بسلنمه‌کده‌دیر. سؤز قونوسو یایین بونون سومود بیر گؤسترگه‌‌سی و دلیلی‌دیر‌" دئییلدی.
اؤزللیکله سون دؤنمده، بی‌بی‌سی‌نین فارسجا و تورکجه بؤلوملرینین مخاطبلری، قورولوشون یانلی و تک طرفلی یایینلاریندان شکایتچی.