تورکیه یئنی‌دن سئچیم پروسه‌سینه گیریر
داووداوغلو، باشدا خاریجی سیاست و ائییتیم ساحه‌لرینده اولماق اوزره، درین فیکیر آیری‌لیق‌لاری اولدوغونو سؤیله‌دی
عدالت و قالخینما پارتیسی باشقانی و باشباخان احمد داووداوغلو، جمهوریت خالق پارتیسی ایله یئریدیلن کوالیسیون حکومتی دانیشیقلاری‌نین، اورتاق‌لیق قورا‌جاق بیر تمل اولمادیغی‌نین اورتایا چیخماسییلا نتیجه‌لندیگینی سؤیله‌دی.
داووداوغلو، جمهوریت خالق پارتیسی باشقانی کمال قیلیچداراوغلو ایله حکومت قورما پروسه‌سی چرچیوه‌سینده 3.جو گؤروشمه‌‌دن سونرا آچیقلاماسیندا جمهوریت خالق پارتیسی‌نه "سوره‌لی بیر اصلاحات حکومتی" تکلیفی آپاردیق‌لارینی ایفاده ائتدی.
داووداوغلو، باشدا خاریجی سیاست و ائییتیم ساحه‌لرینده اولماق اوزره، درین فیکیر آیری‌لیق‌لاری اولدوغونو سؤیله‌دی.
باشباخان؛
"یئنی‌دن میلی ایراده‌یه باش وورمانین آرتیق تک احتیمال حالینا گلدیگینی سؤیله‌یه بیلریک" دئدی.
جمهوریت خالق پارتیسی باشقانی کمال قیلیچداراوغلو ایسه "بیزه کوالیسیون تکلیفی ایله دئییل، قیسا سوره‌لی سئچیم حکومتی و یا آزینلیق حکومتینه دستک اولونماسی تکلیفی ایله گلدیلر" دئدی.
کوالیسیون دانیشیق‌لاری ایله ایلگیلی گلیشمه‌لری پارتی مرکزینده تعقیب ائدن میلیتچی حرکت پارتیسی باشقانی دؤولت باغچا‌لی، جمهوریت خالق پارتیسی ایله عدالت و قالخینما پارتیسی آراسیندا بیر کوالیسیون حکومتی قورولاممایاجاغی‌نین اورتایا چیخماسی اوزرینه قورمای اکیبی ایله بیر آرایا گلدی.
بو گلیشمه‌لر یاشانارکن، باشباخان احمد داووداوغلو، میلیتچی حرکت پارتیسی لیدئری دؤولت باغچالی‌دان گؤروشمه طلب ائتدی.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
