تورکیه: سوریهده گوونلی بؤلگه اولمالی
داوود اوغلو، بی.بی.سینین یاخین شرق رداکتورو جرمی بووینین سوریه و عراقداکی اینکیشافلار، بؤلگهسل ترورلا مباریزه و حکومت قورما ایشلرینه باغلی سواللارینی جوابلادی
تورکیه، سوریهده گوونلی بؤلگه موضوعسوندا ایصرارچی
باش ناظیر احمد داوود اوغلو، آنکارادا، بی.بی.سینین یاخین شرق رداکتورو جرمی بووینین سوریه و عراقداکی اینکیشافلار، بؤلگهسل ترورلا مباریزه و حکومت قورما ایشلرینه باغلی سواللارینی جوابلادی.
تورکیهنین، سوریهنین قوزئیینده گوون بؤلگه فیکرینی یئنیدن گوندمه گتیرجگینی سؤیلهین داوود اوغلو، سوریهدکی چاتیشمالاردان قاچان اینسانلار اوچون گوونلی بؤلگه یارادیلماسی مقصدیله، آمریکا بیرلشیک دولتلری ایله بیرلیکده چالیشاجاقلارینی دیله گتیردی.
داوود اوغلو، سوریهیه قارا قوشونلاری گؤندرمک یئرینه بوراداکی مولاییم مخالیفلری گوجلندیرمک لازیم اولدوغونو وورغولادی.
باش ناظیر، تورکیهنین ماراقلارینا و گوونلیگینه ایستیقامتلی بیر تهدیده اصلا ایجازه وئرمهیهجکلرینی ایفاده ائتدی.
سوریهده 4 ایلدیر داوام ائدن چاتیشمالارین سونا چاتماسی اوچون بین الخالق جمعیتی داها چوخ شئی ائتمهیه چاغیران باش ناظیر داوود اوغلو، تورکیهنین، داعش یا دا دیگر ترور تشکیلاتلارینی اصلا دستکلمهدیگینی ایفاده ائتدی.
باش ناظیر احمد داوود اوغلو، تورکیهنین کوردلرله ساواشدا اولمادیغینی؛ بیر ترور تشکیلاتی اولان پ.ک.ک ایله مباریزه ائتدیگینی ایفاده ائتدی.
احمد داوود اوغلو، 7 ژوئن عمومی سئچیملرینی ده قیمتلندیردی.
سئچیمه قاتیلما نیسبتینین یوزده 85 اولدوغونو سؤیلهین باش ناظیر احمد داوود اوغلو، آک پ-نین یوزده 41 سس ایله ان بؤیوک پارتی اولدوغونو قید ائتدی.
کوالیسیون گؤروشمهلرینین داوام ائتدیگینی خاطیرلادان احمد داوود اوغلو، آک پارتیسی بیر حکومت قورماق مومکون اولمادیغینی سؤزلرینه علاوه ائتدی.
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب