اوباما باش ساغلیغی دیلهدی
پرزیدنت اوباما، تورکیهنین میلی گوونلیگینه آمریکا اولاراق بؤیوک اؤنم وئردیکلرینی وورغولادی
آمریکا پرزیدنتی باراک اوباما، پرزیدنت رجب طیب اردوغانی تلفنلا آرایاراق ترور حادثهلریندن اؤترو باش ساغلیغی دیلهدی.
ایکی لیدئر، تورکیه و آمریکا اولاراق ترورون هر نؤوعونه قارشی اولدوقلارینی وورغولادی.
ایکی لیدئر، داعشه قارشی مباریزهده هله ده داوام ائدن امکداشلیغین گوجلندیریلمهسی، عراقدا گوون و ثابتلیگی تامین ائتمهیه، سوریهدهکی چاتیشمایا سیاسی بیر چؤزوم تاپماغا یؤنونده اورتاق چابالاری اله آلدی.
سوروچداکی ترور سالدیریسینی، آیریجا پ.ک.ک طرفیندن اوستلهنیلن ترور سالدیریلاریندا بیر عسگر و ایکی پلیسین شهید ائدیلمهسینی قینایان اوباما، شهیدلرین عائلهلرینه آمریکا خالقی آدینا باشساغلیغی دیلهدی.
ایکی لیدئر، خاریجی ساواشچیلارین گئچیشلرینین انگللنمهسینی و تورکیهنین سوریه سرحدینده تهلوکهسیزلیگین تامین ائدیلمهسینه یؤنهلیک امکداشلیغی آرتیرما چابالارینی دا دانیشدی.
پرزیدنت اوباما، تورکیهنین میلی گوونلیگینه آمریکا اولاراق بؤیوک اؤنم وئردیکلرینی وورغولادی.
ایکی لیدئر، بؤلگهسل قونولاردا یاخین چالیشما ایچریسینده اولماغی داوام ائتدیرهجکلرینی قید ائتدی.