اردوغان‌دان ایستانبول فتحی مئساژی

پرزیدنت رجب طیب اردوغان، ایستانبولون فتحی‌نین، تاریخین آخیشینی دییشدیرن مؤحتشم ظفرلردن بیری اولدوغونو سؤیله‌دی.
اردوغان، "ایستانبولون فتحی‌نین 562.جی ایل‌دؤنومو" سببی ایله بیر مئساژ یاییملادی.
پرزیدنت مئساژیندا؛
"ایستانبولون فتحی سیاسی، اجتماعی و مدنی نتیجه‌لری، دونیا تاریخی‌نین آخیشینی دییشدیرن، عزیز میلتیمیزین ان مؤحتشم ظفرلرین‌دن بیری‌دیر" دئدی.
فتحین، فاتیح سلطان محمدین خوش‌گؤرو و عدالته سؤیکنن یؤنتیم آنلاییشینین دا تاریخه گئچدیگینه دقت چئکن اردوغان، سونراکی مدتده ده شهرین فرق‌لی اینانج و مدنیت‌لرین بیر یئرده یاشادیغی بیر مکان حالینا گلمه‌سینه وسیله اولدوغونون وورغولادی.
ایستانبولون طبیعتی، تاریخی و مدنیت وارلیقلارییلا دونیانین نادیر شهرلری آراسیندا اولدوغونو ایفاده ائدن پرزیدنت اردوغان؛
"فاتیح سلطان محمد و قهرمان عسگرلری‌نین بیزلره امانتی اولان ایستانبول، اؤلکه‌میزین ایش، مالیه، تیجارت، صنعت و مدنیت مرکزی اولا‌راق ایندیکی واختدا ده اینکیشافینی داوام ائتدیرمکده‌دیر" دئدی.