تورکیه اوروپا بیرلیگی سیویل ساوونما مکانیزماسینا عضو اولدو
آنلاشمایا، AFAD صدری فواد اوکتای و اوروپا بیرلیگی کومیسیونونون اینسانی یاردیم‌لاردان مسئول عضوو هریستوس ایستیلیانیدیس ایمضا آتدی
تورکیه اوروپا بیرلیگی سیویل ساوونما مکانیزماسینا عضو اولدو
باش ناظیرلیک آفت و عاجیل یاردیم رهبرلیگینی (AFAD)، اوروپا سویه‌سینده بیر همرای‌لیک و امکداش‌لیق نظرده توتان اوروپا بیرلیگی وطنداش قوروما مکانیزماسی‌نین عضوو ائدن راضیلاشما، بروکسلده ایمضالاندی.
آنلاشمایا، AFAD صدری فواد اوکتای و اوروپا بیرلیگی کومیسیونونون اینسانی یاردیم‌لاردان مسئول عضوو هریستوس ایستیلیانیدیس ایمضا آتدی.
AFAD باشقانی اوکتای، تورکیه‌یه ائدیلن دعوت اوزرینه مکانیزمه داخیل اولما قرارلاری‌نین، فلاکت‌لرین و اینسانی قورتارما ایشلری‌نین رهبرلیگینده آکتیو و قالیجی امکداش‌لیق نیت‌لرینی گؤستردیگینی سؤیله‌دی.
تورکیه‌نین تأثیرلی و باشاریلی فلاکت رهبرلیگی سیستمی و بو ساحه‌دکی باشاریلی ایشلریله اوروپا بیرلیگی سیویل ساوونما مکانیزماسینا اهمیت‌لی قاتقی ائده‌جگینی ایفاده ائدن اوکتای،
- "بو مکانیزمین (تورکیه‌نین عضولوغو ایله) گوجلنه‌جگینه و یئنی بیر پرسپکتیو و دینامیزم قازاناجاغینا اینانیرام. تورکیه‌نین بو مکانیزمه هم سیاست‌لرین فورمالاشماسیندا و قرار آلما سویه‌سینده هم عملیات سویه‌ده آکتیو ایشتیراک نیّتی داشیدیغینی وورغولاماق ایستییرم" دئدی.
هریستوس ایستیلیانیدیس ایسه، تورکیه‌نین عضو‌لوگونون اهمیتینه ایشاره ائده‌رک،
"شوبهه‌سیز کی، گوج‌لو و تجروبه‌لی بیر اورتاق آلیریق" ایفاده‌سینی ایستیفاده ائتدی.
ایستیلیانیدیس، تورکیه‌نین ایشتیراکی‌نین اوروپا بیرلیگی‌نین فلاکت‌لره مداخیله ظرفیتینی قیده دگر شکیلده آرتیراجاغینی سؤیله‌دی.
دسامبر آییندا تورکیه‌نی زیارتینده سوریه‌لی سیغینماجی‌لارین آغیرلاندیغی دوشرگه‌لره گئتدیگینی خاطیرلا‌دان ایستیلیانیدیس،
"ایشلرینیزده حقیقتن تاثیرلندیم. تورک حکومتی‌نین سوریه‌لی‌لر و دیگر سیغینماجی‌لارا دستگینی درین‌دن تقدیر ائدیرم. تورکیه آغیر بیر یوک پایلاشیر. حقیقتن احتیاج دویدوق‌لاری آندا سوریه خالقینا قوناق‌پرورلیک گؤستردی. اوروپا، تورکیه‌نین چابالارینی دستکلییر" دئیه دانیشدی.
AFAD-ین ایمضاسییلا باشلایان عضولوکله تورکیه، اوروپا سویه‌سین‌دکی اورتاق عاجیل یاردیم و اینفورماسیون سیستمینه (CECIS) و اوروپا آفت موشاهیده شبکه‌سینه داخیل اولا‌جاق، اوروپا ارکن خبردارلیق سیستمینی ایستیفاده ائده بیله‌جک.
مکانیزمانین قاتیلیمچی‌لار آراسیندا تورکیه‌نین یانیندا 28 اوروپا عضوو ایله نوروئژ، ایسلند، مقدونیه و قاراداغ وار.
ایلگیلی‌لی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب
