ایکینجی تورک کروانی ده یمن‌دن تخلیه ائدیلدی
عدن شهرین‌دن، تورک دنیز گوج‌لرینه عاید TCG بویوک آدا کوروتی ایله تخلیه ائدیله‌رک جیبوتی‌یه گؤتورولن 55 تورک وطنداشی دا، دونن آخشام ساعات‌لاریندا تییاره ایله ایستانبولا گلمیشدی
ایکینجی تورک کروانی ده آزاد ائدیلدی
شدت‌لی چاتیشما‌لارین سوردوگو یمن‌دن، 185 تورک وطنداشی داها تخلیه ائدیلدی.
صنعا اولوسلار آراسی هاواآلانیندا تورک هاوا یول‌لاری تییاره‌سینه مینن 185 تورک وطنداشی، 12.40دا ایستانبولا حرکت ائتدی.
عدن شهرین‌دن، تورک دنیز گوج‌لرینه عاید TCG بویوک آدا کوروتی ایله تخلیه ائدیله‌رک جیبوتی‌یه گؤتورولن 55 تورک وطنداشی دا، دونن آخشام ساعات‌لاریندا تییاره ایله ایستانبولا گلمیشدی.
یمن‌دن تورک‌لر خاریجینده بیر چوخ اؤلکه وطنداشی‌نین دا تخلیه‌سی داوام ائدیر.
جیبوتی‌یه گتیریلن مصیر، هیندیستان، ایرلند، سینگاپور و دیگر اؤلکه‌لرین وطنداش‌لاری اؤلکه‌لرینه گؤندریلیر.
بو آرادا، عدن شهرینده پرزیدنت عبدالربو منصور هادی یان‌لی‌لاری ایله حوثی خادیم‌لر آراسین‌داکی چاتیشما‌لار یئنی‌دن شدتلندی.
سعودی عربیستانی لیدرلیگین‌دکی کوالیسیون گوج‌لرینه باغلی تییاره‌لر ده، باشکند صنعادا، حوثی انصاراهله حرکتینه عاید هدف‌لری ووردو.
یالدیری‌لارا اوچاق سووارلارلا جواب وئریلدی.
الدّالی شهرینده ده یول کنارینا یئرلش‌دیریلن مینین پارتلاییش ائتمه‌سی نتیجه‌سینده 20 حوثی میلیتانی حیاتینی ایتیردی.
دیگر طرف‌دن، بمت گوونلیک شوراسی، یمن‌ده داوام ائدن چاتیشما‌لاری گؤروشمک اوچون روسیانین ایستگی ایله باغلی توپلانتیدا بیر آرایا گلدی.
روسیانین حاضیرلادیغی قرار قانونوندا، سعودی عربیستانی‌نین لیدرلیگین‌دکی کوالیسیون گوج‌لرین‌دن یالدیری‌لارا آرا وئرمه‌سی و بو سایه‌ده اؤلکه‌یه اینسانی یاردیم چاتدیریلماسی و یمن‌دکی خاریجی اؤلکه وطنداش‌لاری‌نین تهلوکه‌سیز شکیلده تخلیه ائدیلمه‌سینه ایمکان تانینماسی ایستنیر.
