تورک یارغیسینا سالدیری
ساوجی محمد سلیم کیراز، قالدیریلدیغی خسته‌خانادا ائدیلن بوتون مداخیله‌لره باخمایا‌راق شهید اولدو
ایستانبول عدالت سارایینداکی گیروو بحرانی، ترورلا مباریزه و اؤزل عملیات پلیس‌لری‌نین مداخیله‌سی ایله سونا چاتدی.
یاسادیشی تشکیلات عضو‌لری طرفین‌دن دونن گیروو آلینان و یارا‌لانان ساوجی/دادستان محمد سلیم کیراز، قالدیریلدیغی خسته‌خانادا ائدیلن بوتون مداخیله‌لره باخمایا‌راق شهید اولدو.
اولایی گرچکلشدیرن 2 تروریست ایسه اؤلدورولدو.
رومانی‌ده اولان پرزیدنت رجب طیب اردوغان، گیروو آلما اولایی و تشکیل ائدیلن عملیاتی یاخین‌دان تعقیب ائتدی.
باشباخان داووداوغلو طرفین‌دن بیلگیلندیریلن پرزیدنت اردوغان، ساوجی محمد سلیم کیرازین باشین‌دان اوچ، بد‌نین‌دن ده 2 قورشونلا وورولدوغونو آچیقلادی.
ساوجینین اوتاغین‌دان سلاح سس‌لری گلمه‌سی اوزرینه پلیسین عملیاتا باشلادیغینا دقت چئکن پرزیدنت، سالدیرییلا علاقهلی اولا‌راق، "اوزرینده چوخ چوخ اؤنمله دورولاجاق عبرت‌لیک بیر حادثه‌دیر" دئدی.
باشباخان احمد داووداوغلو ایسه، ساوجی محمد سلیم کیرازین شهید ائدیلمه‌سیله نتیجه‌لنن سالدیرینین و تشکیل ائدیلن عملیاتین آیرینتی‌لارینی پایلاشدی.
سالدیرینی تورک یارغیسینا، دموکراسی‌سینه و بوتون وطنداش‌لارا دؤنوک بیر سالدیری اولا‌راق گؤردوک‌لرینی سؤیله‌ین باشباخان، توپلومو ساکینلیگه و سالدیری‌لار قارشی‌سیندا بیرلیک و برابرلییه چاغیردی.
کیرازی شهید ائدن تروریست‌لرین آدلارینی دا آچیقلایان داووداوغلو، تروریست‌لرین عدلیه‌یه وکیل گئییمی ایله گیردیک‌لرینی ایفاده ائتدی.
باشباخان، 6 ساعات بویونجا ان ائتکیلی اصول‌لارین سیناندیغینی، تروریست‌لری قانع ائتمه چابالاری‌نین سوردوگو، سلاح سس‌لری ائشیدیلمه‌سی اوزرینه عملیاتا باشلاندیغینا دقت چئکدی.
داووداوغلو، بون‌دان بئله عدلیه‌لرده گوونلیک تدبیرلری‌نین داها دا سیخلاشدیریلماسی اوچون آددیم آتیلاجاغینی دا آچیقلادی.
تورکیه بؤیوک میلت مجلیسی‌نین باشقانی جمیل چیچک ده، بیر باش‌ساغ‌لیغی مئساژی یاییملایاراق سالدینی شدتله قینادی.
چیچک، "بو اینسانلیغا قارشی ایشلنمیش بیر جینایت‌دیر. بو جینایتی ایشله‌ین‌لر اصلا اینسان اولابیلمز" دئدی.
باشباخان یاردیمچیسی یالچین آکدوغان دا، رسمی تویتر حسابیندان؛ "آکتورلار، مقصدلری، تشویق ائدیجیلری هر کیم و هر نه اولورسا اولسون ترورون هر جوره‌سینی لعنتله‌ییرم" دئدی.
عدالت باخانی کنعان ایپک ده شهید اولان پروکورور محمد سلیم کیرازین اولدوغو خسته‌خانایا گئده‌رک عائله‌سینه باش‌ساغ‌لیغی دیله‌دی.
ساوجی محمد سلیم کیرازین جنازه‌سی بو گون ایستانبولدا تورپاغا وئریله‌جک.
