تورکیه اؤیرنجی بورسلاری

تورکیه‌نین خاریجی اویروق‌لو اؤیرنجیلره 1992.جی ایلدن بو یانا وئردیگی "تورکیه بورسلاری" و "تورکیه سکولارشیپس" آدلی بورس‌لاردان، دسامبر آیینا قدر، 50 مین 130 اؤیرنجی فایدالاندی.
150دن چوخ اؤلکه‌دن اؤیرنجینین لیسانس، یوکسک لیسانس، دکترا و آراشدیرما دالیندا ائییتیم گؤردوگو تورکیه‌ده، اونیورسیته‌لر، بو گونه قدر آذربایجان، تورکمنیستان، قازاقیستان، قیرقیزیستان و اؤزبکیستان‌دان 19 مین 329 بورسلو اؤیرنجییه قاپی‌لارینی آچدی.
عینی دؤنمده، تورکیه‌ده ائییتیم گؤرن اورتادوغو اؤلکه‌لرین‌دن 4 مین 103، اوزاق دوغو ایله گونئی آسیا‌دان 3 مین 534 و بالکان اؤلکه‌لرین‌دن 8 مین اؤیرنجییه ده ائییتیم بورسو وئریلدی.
تورکیه‌نین آفریقا آچیلیمی‌نین گرچکلشدیگی 2011.جی ایلدن سونرا ایسه 4 مین 663 آفریقا‌لی اؤیرنجیه ائییتیم ایمکانی تامین ائدیلرکن، 2014.جو ایلده قوزئی آمریکا‌دان 44، گونئی آمریکا‌دان دا 202 اؤیرنجییه بورس وئریلدی.
بؤیوک طلب اوزرینه بو ایل ایلک دفعه 5 مین اؤیرنجییه وئریله‌جک بورس اوچون 25 فوریه‌ده باشلایان مراجعت‌لر، 31 مارسدا سونا چاتیر.
بو آرادا تورکیه‌نین 2016.جی ایلی "لاتین آمریکا و کارئیب ایلی" اولا‌راق اعلان ائتمه‌سین‌دن سونرا آفریقا و لاتین آمریکا قاره‌‌سین‌دن ده، تورکیه‌ده ائییتیم اوچون چوخ ساییدا طلب گلیر.
کلمبیا پرزیدنتی مانوئل سانتوس، گئچن آی لاتین آمریکا سفری چرچیوه‌سینده اؤلکه‌سینه گئدن پرزیدنت رجب طیب اردوغانا، تورکیه‌دکی کلمبیا‌لی اؤیرنجیلره وئردیگی ائییتیم دستگین‌دن اؤترو تشکر ائتمیشدی.