میللی ساوونما باخانی بغداددا
ییلماز، ایلک اولاراق، ساوونما باخانی خالد العبیدی ایله بیر آرایا گلدی
میللی ساوونما باخانی عصمت ییلماز، رسمی گؤروشمهلر اوچون عراقین باشکندی بغدادا گئتدی.
ییلمازی، بغداد اولوسلارآراسی هاوا لیمانیندا عراق ساوونما باخانلیغی باش کاتیبی ابراهیم لامی، تورکیهنین بغداد ائلچیسی فاروق قایماقچی و باشقا یئتکیلیلر قارشیلادی.
ییلماز، ایلک اولاراق، ساوونما باخانی خالد العبیدی ایله بیر آرایا گلدی.
ایکی باخانین گؤروشمهسی، گؤرونتو آلینماسینین آردیندان مطبوعاتا قاپالی داوام ائتدی. باش باشا گؤروشمهدن سونرا هیاتلرآراسی توپلانتییا گئچیلدی.
هیاتلرآراسی گؤروشمهده، عراق باش قرارگاه باشقانی بابکر زیباری و تورکیهنین بغداد ائلچیسی فاروق قایماقچی و باشقا یئتکیلیلر ده توپلانتیدا حاضر اولدو.
ییلماز و عبیدینین اورتاق مطبوعات کنفرانسی دوزنلمهلری گؤزلنیلیر.
عراق باشباخانی حیدر العبادی، پارلمان باشقانی سلیم الجبوری، ایچ ایشلری باخانی محمد سالم الغبان و باشقا یئتکیلیلرله ده گؤروشهجک اولان ییلماز، داها سونرا اربیله حرکت ائدهجک.
باخان ییلماز، یارین اربیلده عراق کورد بؤلگهسل رهبرلیگی باشقانی مسعود بارزانی ایله گؤروشهجک.
ییلمازین گؤروشمهلری سیراسیندای ایکی اؤلکه آراسینداکی ترورلا مباریزه و گوونلیک ساحهسیندکی امکداشلیق اطرافلی شکیلده اله آلیناجاق.
تورکیه عراقا دونن، داعش ایله مباریزهده ایستیفاده ائدیلمک اوزره حربی یاردیم داشییان ج-130 تیپلی ایکی حربی اوچاق گؤندرمیشدی.
ایلگیلیلی خبرلر
ترورلا موباریزه قطعیتله داوام ائدیر
حیاتا کئچیریلن عملیاتلاردا 1-ی قیرمیزی، 3-و نارینجی کاتگوریده اولماقلا 5 ترورچو ضررسیزلشدیریلیب