احمد داوود اوغلو ماجاریستانا سفر ائتدی

تورکیه باش ناظیر احمد داوود اوغلو ماجاریستانا 1 گونلوک سفر ائتدی.
سفرده 6 آنلاشما ایمضالاندی، آنکارا و بوداپشت قارداش شهر اعلان ائدیلدی.
باشکند بوداپشت‌ده اولان گول بابا توربه‌سی‌نین رستوراسیونو اوچون ده راضیلاشما متنی ایمضالاندی.
آنلاشما‌لارین ایمضالانماسی‌نین آردین‌دان باش ناظیر داوود اوغلو و ماجاریستان همکاری ویکتور اوربان، اورتاق مطبوعات کونفرانسی تشکیل ائتدی.
داوود اوغلو، تورکیه و ماجاریستانین خصوصی علاقه‌لره صاحب ایکی اؤلکه اولدوغونو سؤیله‌دی.
اوربان ایسه چیخیشیندا تورک عائله قورولوشونا تعریف تاپیلدی.
اوربان، "غیبطه ائدیریک. تورکیه اوروپانین ان گنج اؤلکه‌سی. عائله‌نین دگری تورکیه‌ده چوخ اهمیت‌لی. بونون اوچون گله‌جه‌یه گوونیرلر. ماجاریستان تورکیه کیمی گنج بیر اؤلکه اولسا بیز ده بئله باشاری‌لی اولا بیلریک." دئدی.
سفرده اؤنه چیخان موضوعلاردان بیری ده اقتصادی علاقه‌لر اولدو. تورکیه ماجاریستان اورتاق ایش فورموندا دانیشان داوود اوغلو؛
- "2 میلیارد دو‌لار اولان خاریجی تیجارتی ان قیسا زاماندا 5 میلیارد دو‌لارا چیخارماغا و انرژی امکداش‌لیق موضوعسوندا قرارلیییق." دئدی.
باش ناظیر، داها سونرا گالیچیا شهیدلیگینه زیارت ائتدی.
ماجاریستان پرزیدنتی یانوس آدیر طرفین‌دن ده قبول ائدیلن داوود اوغلو، آردین‌دان گول بابا توربه‌سینی زیارت ائتدی.
داوود اوغلونون ماجاریستان سفری، قهرمان‌لار عابده‌سینه چلنگ بوراخماسییلا سونا چاتدی.