2 تورک ساواش اوچاغی دوشدو

مالاتیادا ائییتیم اوچوشو حیاتا گئچیرن 2 ساواش اوچاغی سیس سببیله دوشدو.
اوچاقدا اولان 4 پیلوتوموز شهید اولدو.
مالاتیا 7.جی آنا جت مرکزینده ساعات 18 سو‌لاریندا پلان‌لی گئجه ائییتیم اوچوشو اوچون قالخان 2 آراف – 4ای کشف اوچاغی ایله ساعات 19 سیرا‌لاریندا رادار ارتباطی کسیلدی.
ارتباطین کسیلمه‌سی‌نین آردین‌دان یاردیم قورولوشلاری آفاد، اومکه و ساغلیق اکیب‌لری آختارما - قورتارما فعالیت‌لری اوچون بؤلگه‌یه گؤندریلدی.
ژاندارما قوموتانی ژنرال عبدالله آتای، قضانین آردین‌دان مالاتیایا گئتدی.
ساعات 20:45 سو‌لاریندا 2 اوچاغین داغینتی‌سینا آکچاداغ ائلچه‌سی ایکینجی‌لر مؤوقعیتینده چاتیلدی.
آجی خبری تورک سلاح‌لی گوج‌لری یازی‌لی بیر آچیقلاما ایله بیلدیردی.
آچیقلامادا "ایکی اوچاغیمیزین دا داغینتی‌سینا چاتیلمیش و نه یازیق 4 قهرمان پیلوتوموز شهید اولموش‌لار. بو الیم قضا نتیجه‌سینده شهادت مرتبه‌سینه چاتان قهرمان پیلوت یولداش‌لاریمیزا الله‌دان رحمت، کدرلی عائله فردلرینه، سلاح‌لی گوجلریمیزه و اوجا تورک میللتینه باش ساغ‌لیغی دیله‌ییریک" دئییلدی.