تورکیه خاریجی ایشلر ناظیری: شاه فیرات عملیاتی بین الخالق آرئناد
مولوت چاووش اوغلو، عملیات اوچون اولوسلار آراسی تشکیلات‌لارلا لازیم‌لی یازیشما‌لار ائدیلدیگینی آنجاق تورکیه‌نین کیمسه‌دن ایجازه آلمادیغینی، اؤز ایراده‌سی ایله عملیاتی ائتدیغینی ایفاده ائتدی
خاریجی ایشلر ناظیری مولوت چاووش اوغلو، شاه فیرات عملیاتی‌نین بین الخالق آرئنادا سس گتیردیگینی سؤیله‌دی.
چاووش اوغلو، آک پارتی آنتالیا گنج‌لیک قول‌لاری ایل کونقره‌سینده سوریه‌نین حلب شهری مرزلری ایچری‌سین‌دکی کاراکوزاک کندینده اولان سلیمان شاه توربه‌سیندکی عسگرلرین گتیریلمه‌سی اوچون تشکیل ائدیلن نیظامی عملیاتین اوّلی و سونراسینی ایضاح ائتدی.
مولوت چاووش اوغلو،
"زیرئه‌لی واسطه‌لرله گئتدیک و امانتلریمیزی آلدیق گلدیک و بؤلگه‌دگی عنصورلارین هامیسینا لازیمی خبردارلیق‌لاری ائتدیک. بیز بو آخشام (21 فوریه) ساعات 21 ده گلجگیک. امانتلریمیزی و قوشون‌لاریمیزی گتیرجگیک. قارشیمیزا کیمسه چیخماسین. چوخ شوکور هئچ بئله چاتیشما دا اولمادی." دئیه دانیشدی.
عملیاتین اولوسلار آراسی آرئنادا سس گتیردیگینی ایفاده ائدن چاووش اوغلو، "نئجه ائتدیگیمیزی سوروشورلار. داها اوّل موصول باشکونسولوسلوغوموزون پرسنلینه ده 102 گون سونرا هئچ کیمین بورنو قاناما‌دان ملی استخبارات تشکیلاتی و علاقه‌دار بیریملریمیزین، بیزلر ده داخیل بیر عملیاتی ایله گئری گتیرمیشدیک. او زامان دا حیران‌لیقلا سوروشدولار، 'نئجه ائتدینیز ؟ بیزه کؤمک ائدین 'دئیه ایندی ده ائله. " دئدی.
عملیات ایله باغلی مخالیفتین موقعیتینی تنقید ائدن چاووش اوغلو، تورکیه‌نین اورا‌داکی تورپاق‌لارینی ترک ائتمدیگینی و سوریه ایچینده مرزین 180 متر کناریندا یئنی تورپاق‌لاری اولدوغونون وورغولادی.
مولوت چاووش اوغلو، عملیات اوچون اولوسلار آراسی تشکیلات‌لارلا لازیم‌لی یازیشما‌لار ائدیلدیگینی آنجاق تورکیه‌نین کیمسه‌دن ایجازه آلمادیغینی، اؤز ایراده‌سی ایله عملیاتی ائتدیغینی ایفاده ائتدی.
خاریجی ایشلر ناظیری چاووش اوغلو، شاه فیرات اوپراسیونونا باغلی "کیمسه تورک سلاحلی گوجلری ایله زارافات بئله ائتمه‌سین، تورک سلاحلی گوجلری دونن آخشام (21 فوریه) قابیلیتینی بوتون دونیایا بیر دفعه داها گؤسترمیش‌دیر" دئدی.
بو آرادا، خاریجی ایشلر ناظیری مولوت چاووش اوغلو، سلیمان شاه کاراکولونون داشینماسی‌نین آردین‌دان، آمریکا، هولند، اینگیلتره، دانمارک و سعودی عربیستانی خاریجی ایشلر ناظیرلری و ناتونون باش کاتیبی ینس ایستولتنبرگ ایله آیری-آیری تلفون گؤروشمه‌سی ائتدی.
چاووش اوغلو، عملیات باشدا اولماقلا گونجل اینکیشاف‌لار حاقیندا فیکیر آلیش-وئریشی ائتدی.
