آمریکا مسلمان گنجین اؤلدورولمهسینین سس سالمالاری داوام ائدیر
داوود اوغلو "سالدیری اگر عرقچی بیر موتیواسیونلا ائدیلمیشسه، اومید ائدیرم بوتون رهبرلیکلر اورتاق رفتار سرگیلمه دیرایتینی گؤستریرلر" دئدی
آمریکا مسلمان گنجین اؤلدورولمهسینین سس سالمالاری داوام ائدیر.
موضوع باش تورکیه ناظیر احمد داوود اوغلونون دا گوندمیندیدی.
ت.ر.ت اؤزل یایینینا قاتیلان داوود اوغلو، سون دؤورده دونیادا مسلمانلارا قارشی شدت حرکتلرینده بؤیوک آرتیم اولدوغونا دقت چکهرک، "سالدیری اگر عرقچی بیر موتیواسیونلا ائدیلمیشسه، اومید ائدیرم بوتون رهبرلیکلر اورتاق رفتار سرگیلمه دیرایتینی گؤستریرلر" دئدی.
داوود اوغلو، "نئجه پاریسده اورتاق رفتار سرگیلنمیشسه بوتون عرقچیلر قاریشیسیندا دا، بوتون ایسلاماوفوبی قارشیسیندا دا عینی جدی توتومو و اورتاق رفتاری گؤرمک بیزیم حاقیمیز." دئیه دانیشدی.
شمالی کارولینا اونیورسیتهسینده اوخویان، 23 یاشینداکی داه شادی برکت، 21 یاشینداکی یولداشی یوسور محمد و یولداشینین 19 یاشینداکی باجیسی رزا محمد ائولرینده وورولاراق اؤلدورولموشدو.
گنجلر اوچون، تحصیل گؤردوکلری شمالی کارولینا اونیورسیتهسینده بیر خاطیرلاما فعالیتی تشکیل ائدیلدی، اجتماعی مئدیادا دا اون مینلرله اینسان "مسلمانلارین حیاتی دا قیمتلیدیر" شکلینده پایلاشیلدی.
تورکیهدکی سوریهلی قاچقین شاگیردلر اوچون کؤمک کامپانیاسی آپاران برکتین، دیش دوکتورلوغو فاکولتهسینده تحصیل گؤردوگو و قیسا بیر مدت اوّل یوسور محمد ایله ائولندیگی بللی اولوندو.
حادثهنین آردیندان عینی اونیورسیتهده حقوق تحصیلی آلان 46 یاشینداکی جرایگ استفن هیکس، گوناهینی اعتراف ائدهرک پولیسه تسلیم اولدو.
پولیسین ائتدیگی ایستینتاقدا ایلک تاپینتیلار حادثهنین پارک یئری مناقیشهسی سببیله یاشاندیغی ایستیقامتینده.
اینسان حاقلاری تشکیلاتلاری و قوربانلارین عائلهلری ایسه حادثهنین غربده سون زامانلاردا یوکسلیشده اولان ایسلاموفوبیه یول آچدیغی بیر نیفرت جینایتی اولدوغونو دوشونور.
جینایتی ایشلدیگینی اعتراف ائدن هیکسین اجتماعی پایلاشما هسابینداکی دین علیهداری مساژلار دا دقت چکیر.
ایلگیلیلی خبرلر
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719155087)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
![۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/cb09/0bb8/be30/667528251ad6f.jpg?time=1719155087)
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی