تاتار تلویزیون کانالیندا آختارمایا تورکیه‌دن تپکی
تورکیه؛ آختارما ایشینین، مطبوعات اؤزگورلویونه قارشی هئچ بیر شکیلده قبول ائدیلمه‌سی ممکون اولمایان جدی بیر مداخیله اولدوغونو بیلدیردی
قیریم اؤزارک جمهوریتینده روس گوونلیک گوج‌لری‌نین تاتار تلویزیون کانالیندا آختارمایا تورکیه تپکی گؤستردی.
روس پلیسی، 26 ژانویه بازار ارته‌سی گونو آغ‌مسجیدده قیریم تاتار تلویزیونو آ.ت.ر کانالیندا یئددی ساعات بویونجا آختارما ایشی یئریتدی، کانالا عاید تکنیک دونانیما ال قویدو.
تورکیه؛ بو اویقولامانین، مطبوعات اؤزگورلویونه قارشی هئچ بیر شکیلده قبول ائدیلمه‌سی ممکون اولمایان جدی بیر مداخیله و پوزونتو اولدوغونو بیلدیردی.
خاریجی ایشلر باخانلیغین‌دان وئریلن آچیقلامادا؛
"قیریمدا تاتار توپلومونا یایین یاپان تک تلویزیون کانا‌لی اولان آ.ت.رنین باسقییا و سیندیرمه‌یه معروض قالما‌دان یایین حیاتینا اؤزگورجه داوام ائتمه‌سی، قیریم‌ین یئرلی خالقی اولان سویداش‌لاریمیزین خبر آلما اؤزگورلویو باخیمین‌دان تمل بیر حاق‌دیر. تورکیه، فیکیرلرینی هر زامان دموکراتیک یول‌لاردان ایفاده ائتمیش اولان قیریم تاتار سویداش‌لاریمیزین حاق‌لارینی هر پلاتفورمدا ساوونمایی و وضعیت‌لرینی یاخین‌دان تعقیب ائتمه‌یی داوام ائتدیره‌جک" وورغوسو یئر آلیر.
ایلگیلی‌لی خبرلر
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی
