داوود اوغلو: تورکیه مرزلرینی گوناهسیزلارین گوونلیگی اوچون آچیق ت

داوود اوغلو: "تورکیه مرزلرینی گوناهسیزلارین گوونلیگی اوچون آچیق توتور"
باش ناظیر احمد داوود اوغلو، آلمانیا باش ناظیری آنگلا مرکلین دعوتی اوزرینه آلمان‌دایدی.
دانیشیق‌لارین آنا گوندمینی، ایکی اؤلکه علاقه‌لری‌نین یانیندا ترورلا مباریزه و اوروپا‌داکی ایسلام علیهدارلیغی میدانا گتیردی.
تورکیه‌نین، سوریه بحرانینداکی پرنسیپلی دوروشونو خاطیرلا‌دان باش ناظیر داوود اوغلو؛ "اگر بیز مرزلریمیزی آچیق توتدویساق تروریست‌لر کئچسین دئیه دئییل، آتاسی آناسی اؤلدورولن اوشاق‌لارین، اری اؤلدورولن گوناهسیز قادین‌لارین اؤلکه‌میزه گلیب گوونلیک تاپما‌لاری اوچون مرزی آچیق توتدوق" دئدی.
"تورکیه‌نین تک گوناهی سوریه‌یه مرزی اولماسی می؟" دئیه سوروشان داوود اوغلو، "خاریجی دؤیوشچولر موضوعسوندا حاق‌سیز گوناهلاندیرما یؤنلدیلمسینه قطعی‌لیکله دؤزه ائتمریک" خبردارلیغیندا تاپیلدی.
داوود اوغلو همچینین، "تورکیه اوروپا بیرلیگی عضوو اولدوغوندا مدنیت‌لر و دین‌لر آراسی چاتیشما اوزرین‌دن اوروپا قاره‌سینی بؤلمه‌یه چالیشان‌لارا قارشی دا ان یاخشی جوابین وئریله‌جگینی دوشونوروک." دئدی.
پاریس‌دکی سالدیری سونراسی ترورا قارشی دونیا لیدرلری ایله بیرلیکده جمهوریت یوروگوشونه قاتیلان داوود اوغلو، "عینی حساس‌لیغی بیزیم ده گؤزلمک حاقیمیز" دئدی.