ایستانبول-کونیا آراسی 4 ساعاتا دوشه‌جک

ایستانبول-کونیا آراسی 4 ساعاتا دوشه‌جک
کونیا-ایستانبول یوکسک سرعت‌لی قاطار خطی، پرزیدنت رجب طیب اردوغان و باش ناظیر احمد داوود اوغلونون قاتیلدیغی مراسیمله دونن آچیلدی.
باشلادیلان کونیا-ایستانبول یوکسک سرعت‌لی قاطار سفرلری‌نین هم کونیایا هم ایستانبولا خیرلی اولماسینی دیله‌ین پرزیدنت اردوغان، مو‌لانانی وفاتی‌نین، "معشوقون وصلتی"نین 741. ایل دؤنومونو ده احتیراملا یاد ائتدیک‌لرینی سؤیله‌دی.
باش ناظیر داوود اوغلو دا، اقتدارلارین دؤورونده، ایلک اولا‌راق 13 فوریه 2009-جو ایلده، آنکارا ایله اسکیشهیر، 2011-جی ایلده آنکارا-کونیا، 2013 اسکیشهیر-کونیا، 2014 ژوئیه آییندا آنکارا-ایستانبول سرعت‌لی قاطار سفرلری‌نین باشلادیلدیغینی، ایندی ده کونیا و ایستانبول'ون سرعت‌لی قاطارلا بیر-بیرینه باغلاناجاغینی سؤیله‌دی.
کونیا-ایستانبول خطی‌نین آچیلیشی، باشقا بیر بیر اوفوقو دا اؤزو ایله گتیردیگینه ایشاره ائدن داوود اوغلو، تورکیه‌نی آسیا ایله اوروپا آراسیندا، آغدنیزی ایله قارا دنیز آراسیندا، یاخین شرق، بالکان‌لار، قافقاز آراسیندا گئرچک بیر نقلیات مرکزی حالینا گتیره‌جک‌لرینی قید ائتدی.
نقلیات، دنیزچی‌لیک وخبرلشمه ناظیری لوطفی الوان دا، سرعت‌لی قاطار خطی ایله کونیا- ایستانبول آراسین‌داکی 13 ساعات‌لیق یولو 4 ساعاتا دوشورجکلرینی سؤیله‌دی.