تورکیه قینادی
"سوروملولارین عدالت اؤنونه چیخاریلماسینی گؤزلییریک"
خاریجی ایشلر باخانلیغی، فلسطینین یاسادیشی یئرلشیملردن و آیریم دوواریندان مسئول باخانی زیاد ابوعینین اردن چایینین باتی ساحلینده ایسراییل عسگرلرینین سالدیریلاری نتیجهسینده اؤلدورولمهسینی سرت ایفادهلرله قینادی.
وئریلن یازیلی آچیقلامادا؛
"ایسراییل عسگرلرینین پیس رفتاری نتیجهسینده یاشاندیغی بیلدیریلن حادثهدن اؤترو ایسراییلی شدتله قیناییر و حادثهنین طرفسیز و قابساملی بیر شکیلده سوروشدورولاراق سوروملولارینین عدالت اؤنونه چیخاریلماسینی گؤزلییریک" ایفادهلری یئر آلدی.
آچیقلامادا، یاشانانلارین ایسراییلین فلسطین تورپاقلاریندا داوام ائدن ایشغالینین نتیجهسی اولدوغونا دقت چئکیلدی، فلسطین خالقینین تمل حاق و اؤزگورلوکلرینین آغیر بیر شکیلده پوزولدوغو خاطیرلادیلدی.
آچیقلامادا، "ایسراییلین فلسطین تورپاقلارینداکی باربارجا ائیلملرینی دوردورماسی لازیمدیر. ایکی دؤولتلی باریش ویزیونو چرچیوهسینده ایشغالا سون وئریلهرک، فلسطینلی قارداشلاریمیزین گوونلی، ثابت و مرفه حیاتا قوووشمالارینی آرزو ائدیریک" دئییلدی.