تورکیه سئچیلهممهدی
تورکیه ایله ایسپانیا اوچون ائدیلن سئچیمده اوچونجو توردا ایسپانیا سئچیلدی
بیرلشمیش میلتلر تشکیلاتی امنیت شوراسینین دایمی اولمایان ۱۰ عضووندن بئشینین سئچیمی نتیجهلندی.
تورکیه ایله ایسپانیا اوچون ائدیلن سئچیمده اوچونجو توردا ایسپانیا سئچیلدی.
خاریجی ایشلر باخانی مولود چاووشاوغلو، "بیز اوی قایغیسییلا پرینسیپلریمیزدن و توتوموموزدان، دوروشوموزدا وازگئچهممهریک" دئدی.
باش قورولدا ائدیلن ایلک تور اویلامادا آنگولا، ونزوئلا، یئنی زلاند و مالزی شورایا سئچیلمک اوچون لازیم اولان اوچده ۲ اوی اکثریتینی تامین ائتدی.
ائدیلن گیزلی اویلامادا ۱۰۹ اوی آلان تورکیه ایله ۱۲۱ اوی آلان ایسپانیا ایسه ایکینجی تورا قالدی.
ایسپانیا ایله تورکیه ایکینجی توردا دا یئترلی اکثریتی تامین ائدهبیلمهدی، اوچونجو توردا ایسپانیا گوونلیک شوراسینین دایمی اولمایان عضولوگونه سئچیلدی.
تورکیه ایکینجی توردا ۷۳، اوچونجو توردا ٦۰ اوی آلارکن، ایسپانیانین اوچونجو تورداکی اویو ۱۳۲ اولدو.
شورانین دایمی اولمایان ۱۰ عضو ۲ ایللیگینه سئچیلیر. ٥ عضو گئچن ایل تعیین اولونموشدو. بو ایل تعیین اولوناجاق ٥ عضو، ۲۰۱٥-۲۰۱٦ ایللری آراسیندا شورادا اولاجاق.