بولنت آرینچ: اینجیرلیکله باغلی دهییشن بیر وضعیت یوخ

اینجیرلیکله باغلی دهییشن بیر وضعیت یوخ
ناظیرلر کابینه‌سی‌نین باش ناظیر احمد داوود اوغلو باشچیلیغیندا دونن توپلاندی.
باش ناظیر کؤمکچی‌سی بولنت آرینچ توپلانتی سونراسی ائتدیگی آچیقلامادا، کوبانی تحریک‌لرینی قیمتلندیردی و اونلاری ترور حرکتلری کیمی حسابلادی.
آرینچ، سون حادثه‌لر ایشیغیندا اوروپا بیرلیگی اؤلکه‌لری ده نومونه آلینا‌راق یئنی بیر گوونلیک اصلاحاتی‌نین تمل‌لرینی آتا‌جاق‌لارینی آچیقلادی.
بولنت آرینچ کوبانی تحریکلرینده ضرر گؤرن اصنافین ضررلری‌نین قارشیلاناجاغینی سؤیله‌دی.
آرینچ، عراق شام ایسلام دولتی ترور اؤرگوتونه قارشی دؤیوشن کوالیسیون گوج‌لری‌نین آتاجاغی اورتاق آددیم‌لارلا علاقه‌دار اولا‌راق دا، ترورلا مباریزه داخیلینده ایجرا ائدیلن ایش بیرلیگی خاریجینده اینجیرلیک نیظامی پایگاهی ایله علاقه‌دار یئنی بیر وضعیتین اولمادیغینی ایفاده ائتدی.
بو مرحله‌ده یالنیز ائیت تجهیز ائت پروقرامی اوچون تورکیه طرفین‌دن تکلیف ائدیلن بعضی تاسیسلرین سؤز موضوعسو اولدوغونو، بوندا دا قرار مرحله‌سینه گئلینمه‌دیغینی یازان آرینچ، "تورکیه بونون یالنیز ائیت بؤلومونده اولا بیلر بو گونه قدر اولدوغو کیمی سیلاح و تجهیزات بؤلمه‌سینده اولماز." دئیه دانیشدی.
بولنت آرینچ، سوریه‌دکی مولاییم مخالیف‌لرین اؤیردیلمه‌سی موضوعسوندا الده ائدیلن راضیلاشما اوچون ایسه "تورکیه‌نین حاق‌لی اولدوغو اورتایا چیخمیش‌دیر" دئدی.
باش ناظیر کؤمکچی‌سی آرینچ، مسعود بارزانی‌نین مطبوعاتا عکس اولونان "عراق شام ایسلام دولتی ترور اؤرگوتو سالدیری‌لارینا قارشی اؤزلرینه تورکیه‌نین دستک وئردیگینی اما بونو شرایط گره‌یی آچیخلامادیغینا" باغلی آچیقلاماینی ده قیمتلندیردی.
بارزانی‌نین آچیقلامای‌نین مثبت بیر آچیقلاما اولدوغونو ایفاده ائدن آرینچ، تورکیه‌نین میللی ماراق‌لارینی ان اؤنده توتماق مجبوریتینده اولدوغونو وورغولادی.