بو گون قوربان بایرامی
ایسلام عالمینین دینی بایراملاریندان قوربان بایرامینین بو گون ایلک گونو
جمهورباشقانی رجب طیب اردوغان، قوربان بایرامی سببیله مئساژ یاییملادی.
اردوغان مئساژیندا، سوریه و عراقدا یاشانانلارا دقت چئکدی و "یاخین جغرافیامیزدا قان آخارکن ظلم هر رنگیله قارداشلاریمیزی اینلدیرکن یوخسوللوق ان آغیر شکیلده حؤکمونو سوررکن قوربان بایرامینین ایدراکلاری آیدینلاتماسی، گؤنوللری یومشالتماسی، اینسانلیغا ویجدانی و مرحمتی خاطیرلاتماسی ان بؤیوک آرزوموزدور" دئدی.
جمهورباشقانی، "بیز بؤلگهمیزده باریش ایستهییریک، دینجلیک ایستهییریک، گوونلیک و ریفاه ایستهییریک. بؤلگهمیزدکی هئچ بیر اؤلکهنین، ایچ ایشلرینده ده، تورپاقلاریندا دا گؤزوموز یوخدور. آنجاق، بؤلگه کبحرانلارلا چالخالانیر، قان و گؤزیاشی سئل اولوب آخارکن، سوچسوز اوشاقلار، قادینلار، معصوم اینسانلار توپلو حالدا اؤلدورولور؛ میلیونلارجا اینسان، ائویندن، ائشیگیندن، تورپاغیندان قووولورکن، بیزیم بوتون بونلارا ایزلهییجی قالابیلمهمیز البته ممکون دئییل" ایفادهلرینی ایستیفاده ائتدی.
"قوربان دایانیشمادیر، یوخسوللارین سئویندیریلمهسیدیر" دئین اردوغان، بایرامین باشدا تورکیه اولماق اوزره، بوتون ایسلام عالمی و بوتون اینسانلیق اوچون خیرلره وسیله اولماسینی دیلهدیگینی ایفاده ائتدی.
تورکیه بؤیوک میلت مجلیسی باشقانی جمیل چیچک ده مئساژیندا، باریش، قارداشلیق و یاردیملاشما وورغوسو ائتدی.
چیچک، "هر زامان ائتدیگیمیز کیمی، بو بایرامدا دا، اؤلکهمیزه سیغینان عراقلی و سوریهلی قارداشلاریمیزی اونوتمامالیییق. بو بایرامی دا اونلارین یاشادیقلاری سیخینتی سببیله، بوروق بیر شکیلده قوتلایاجاییق" دئدی.
باشباخان احمد داووداوغلو دا، قوربان بایرامی مئساژیندا، سرحددکی گلیشمهلره ایشاره ائدرکن سئوینج و موتلولوق گونو اولان بایرامین بوروق بیر آجییلا قارشیلاندیغینی ایفاده ائتدی.
تورکیهیه سیغینان تخمینا ۱ یاریم میلیون سوریهلیلاری خاطیرلادان داووداوغلو؛ "تورکیه اولاراق، بیر طرفدن بؤلگهده یاشانان درامین سونا چاتماسی اوچون ایشلریمیزی داوام ائتدیریریک، دیگر طرفدن ایچ ساواشدان ائتکیلنن قارداشلاریمیزین یارالارینی سارماغا جهد ائدیریک. قاپیمیزی، سوفرامیزی، ان اؤنملیسی ده اورییمیزی، قلبیمیزی قارداشلاریمیزا آچیریق" دئدی.