ت.ر.ت و آنادولو آژانسی تورکیهنی دونیادا تمثیل ائدیر
آکدوغان، ت.ر.ت و آنادوغو آژانس اوچون "یالنیز میللی دئییل، اولوسلار آراسی فعالیت ائدهرک تورکیهنی دونیادا تمثیل ائدیرلر." دئدی
ت.ر.ت و آنادولو آژانسی تورکیهنی دونیادا تمثیل ائدیر
یئنی کابینهده ت.ر.ت؛ آنادولو آژانسی(آا)، مطبوعات-یاییم اینفورماسیون مودورو، مطبوعات اعلان دولت و رادیو و تلویزیون اوست قورولو رتوک RTÜK-دن سوروملو باشباخان معاوینی اولاراق وظیفه آلان یالچین آکدوغان دونن ت.ر.ت خبره قوناغی اولدو.
گوندمه باغلی اهمیتلی آچیقلامالار وئرن آکدوغان، اوّلجه اونا باغلی تشکیلاتلار ایله علاقهدار دانیشدی. آکدوغان، ت.ر.ت و آنادوغو آژانس اوچون "یالنیز میللی دئییل، اولوسلار آراسی فعالیت ائدهرک تورکیهنی دونیادا تمثیل ائدیرلر." دئدی.
باشباخان معاوینی آکدوغان، پرزیدنت سئچیمی و آک پارتیده یاشانان وظیفه دییشمه پروسهسینین مثبت کئچدیگینی ایفاده ائدهرک، پرزیدنت و باشباخان آراسینداکی اویومون تورکیهنی شاها قالدیراجاغینی سؤیلهدی.
ترورون سونا چاتماسی اوچون آپاریلان حلّ پروسهسینه ده توخونان یالچین آکدوغان، حرکتسیزلیک قرارینین بوتون شدت و آساییش حادثهلرینده تطبیق اولونماسی لازیم اولدوغونو سؤیلهدی.
دولت ایچینده اما دولتین قایدالارینا اویقون حرکت ائتمهین آدام و قروپلار اولاراق تعیین اولونان پارالل قورولوش ایله مباریزنی، دولتین قییوملوق مرکزلری ایله مباریزهسی اولاراق تانیملایان باشباخان معاوینی آکدوغان، حقوق مباریزهسینین داوام ائدهجگینی ایفاده ائتدی.
یئنی آناسایا موضوعسوندا ایسه آکدوغان، "بو میللتین گؤزلهدیغیدیر، ائدیلمهسی لازیمدیر" دئدی.