آک پارتی قورولتایی باشلادی
باشباخان و سئچیلمیش جمهورباشقانی رجب طیب اردوغانین کنگرهده پارتی باشقانلیغی کورسوسونو خاریجی ایشلر باخانی احمد داووداوغلونا وئرجک
آک پارتی ۱-جی اولاغان اوستو کنگرهسی باشلادی.
۱۲.جی جمهورباشقانی باشباخان رجب طیب اردوغان، کنگرهیه ائو صاحبلیگی ائدن آنکارا آرئنا ایدمان سالونو قارشیسیندا گؤزلهین وطنداشلارا خیطاب ائتدی؛ "بو بیر میسیون دییشیکلیگی دئییل آد دییشیکلیگیدیر، اصلا بیر وداع دئییل" دئدی.
اردوغان، یئنی کابینهنین جمعه گونو قورولموش اولاجاغینی دا آچیقلادی.
باشباخان و سئچیلمیش جمهورباشقانی رجب طیب اردوغانین کنگرهده پارتی باشقانلیغی کورسوسونو خاریجی ایشلر باخانی احمد داووداوغلونا وئرجک.
یارین دا سئچیلمیش پرزیدنت رجب طیب اردوغان، مجلیسین اولاغان اوستو توپلانتیسیندا آند ائدهجک و تسلیم تسلم مراسیمی ایله عبدالله گولدن بوشالاجاق اولان جمهورباشقانی کؤشکونه چیخاجاق.
جمهورباشقانی اردوغان ارتهسی گون ده یئنی باشقان احمد داووداوغلویا حکومتی قورما وظیفهسینی وئرهجک.
بو مراسیملر سببیله آرالاریندا دؤولت باشقانلاری، جمهورباشقانلاری و باشباخانلارین اولدوغو بیر چوخ دؤولت آدامی تورکیهیه گلدی.
قونویا باغلی اولاراق، مقدونیه تورک دموکرات پارتیسی باشقانی کنعان حسیب، تورکیه، تورک دونیاسی و ایسلام عالمی اوچون تاریخی گون اولدوغونو وورغولادی.
حسیب، "رجب طیب اردوغان چوخ ساییدا اؤلکهده، سویداشلاریمیزلا، اؤزلیکله بالکانلاردا مسلمانلارین اورکلرینده تاخت قوران بیر شخصیتدیر. بالکانلارا تئز تئز زیارت گئدن، ان اوجقار بؤلگهلرینی تانییان و بیرباشا سویداشلارین و باشقا خالقلارین پروبلئملریله ماراقلانان بیر لیدئردیر" دئدی.
قاراداغ باشباخان کؤمکچیسی رافت حوسوویچ ایسه باشباخان اولاجاق اولان احمد داووداوغلونون بالکانلار باخیمیندان چوخ اؤنملی بیر شخص اولدوغونو وورغولادی.
حوسوویچ، "احمد داووداوغلو بالکانلاری گزن ایلک خاریجی ایشلر باخانیدیر و ایلیشکیلریمیزی چوخ ایرهلی سویهیه داشییان بیر آدامدیر" دئدی.
کوزووو قامو یؤنهدیم باخانی و کوزووو تورک دموکراتیک پارتیسی باشقانی ماهیر یاغجیلار دا، داووداوغلونون خاریجی ایشلر باخانی اولاراق بالکانلاردا ائتکیسی اولان و کوزوو تورکلری ایله ماراقلانان بیر خاریجی ایشلر باخانی اولدوغونون وورغولایاراق، "یئنی تورکیهنین ایچریسینده عینی شکیلده ده باشاریلی اولاجاغینا اینانیریق و تورکیه یئنه گوجلو بیر باشباخانلا گوجلو بیر جمهورباشقانی ایله بیرلیکده عینی شکیلده تأثیرینی آرتیراجاق. بیز ده تورکیه دیشیندا یاشایان تورکلر اولاراق دا اؤزوموزو شانسلی و موتلو حس ائتدیگیمیزی سؤیلهیهبیلرم" دئدی.
ایلگیلیلی خبرلر
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
۴ تروریست تاثیرسیز حالا گتیریلدی
بیت الشباپ چؤلونده بؤلوجو ترور تشکیلاتی منسوبو تروریستلرله ایستی تماس تامین ائدیلدی